1 Samuel 23:6 - Biblia Enxet

⁶ Keñe axta m'a Abiatar, Ahimélec axta apketche, cham'a apkenyahama axta apxegánekmo ekxeyenma apwáxok épetchegwakxak David ma'a yókxexma Queilá, apseykekxeyk axta m'a efod.

1 Samuel 23:6 ပူးပေါင်းရင်းမြစ်များ

1 Reyes 2:26

Keñe axta wesse' apwányam aptáha apcháneya m'a apkelmaxnéssesso Dios énxet'ák apagkok Abiatar: “¡Emyekxa Anatot apkeñémekxa axta! Payhawók eykhe exchep yetsapok, magwaqhek sa' eyke, hakte apseykha axta chá'a m'a Wesse' egegkok yántéseksek apagkok apmonye' m'a David, táta axta, hémók axta han aplegeykegkoho ektémakxa axta aplegeykegkoho m'a.”

Éxodo 28:6

“Sawo ekyátekto ekmomnáwa sa' nahan etnehek ma'a apáwa apyaqwate apkelyenma nak Efod, tén han apáwa apyápaqmate, hómáyok, apyexwase tén han ma'a apáwa apkeláxñe apkelyaqséyak nak, kéleykmassáseykha nak chá'a kélótma,

1 Samuel 14:18

Aptáhak axta Saúl apcháneya Ahías: —Esanta sa' efod Dios nak apagkok, hakte axta yetnók ma'a nepyeseksa nak israelitas.

1 Samuel 14:3

Ahías axta apchánémakpok chá'a eswok ma'a efod, Ahitub axta apketche, Icabod axta apephénem, Finees axta apketche, aptáwen axta m'a Elí, apteme axta apkelmaxnéssesso Wesse' egegkok énxet'ák apagkok ma'a Siló. Axta elya'ásegkok énxet'ák apxega m'a Jonatán.

1 Samuel 22:20

Keñe xama apketche axta m'a Ahimélec, apwesey axta Abiatar, apxeganakmo m'a ekyetnakxa nentekyawa, apkenyeyk axta apmeyákxo m'a aphakxa axta David.

1 Samuel 23:2

apxegkek axta apkelpaqhetchásekpoho Wesse' egegkok. Aptáhak axta apcháneya: —¿Ewancheya sa' ko'o alnapaxchek filisteos? Apchátegmowágkek axta Wesse' egegkok: —Éhay, elnapap sa', elwagkas sa' teyp ma'a énxet'ák apheykha nak tegma apwányam Queilá.

1 Samuel 23:5

Apxegkek axta David apmahágko Queilá yetlo apkelxegexma'a, apkelnápekpek axta m'a filisteos, apkelnapchek axta han apxámokma apagko', apkelmágkek axta m'a aqsok apnaqtósso. Cháxa ektáhakxa axta apkelwagkasa teyp David ma'a énxet'ák apheykha nak Queilá.

1 Samuel 23:7

Keñe axta Saúl kéltennassama apheykmo David ma'a Queilá, keñe axta ektáha apwáxok se'e: “Egkéssek ko'o Dios yaqwayam amok, hakte xama axta aptaxna m'a tegma apwányam, apkelápegkokxeyk axta atña'ák neptámen.”

1 Samuel 23:9

Xama axta apleg'a amya'a David ekxéna apwáxok ektámegmak ma'a Saúl, keñe apkeltamho esantagkasek efod ma'a apkelmaxnéssesso Dios énxet'ák apagkok Abiatar, yaqwayam enxoho elmaxneyha m'a Wesse' egegkok.

1 Samuel 30:7

keñe axta aptáha apcháneya m'a apkelmaxnéssesso Dios énxet'ák apagkok Abiatar, Ahimélec axta apketche: —Hesantagkas hana efod. Xama axta apsákxésa Abiatar efod ma'a David,