1 Samuel 23:4 - Biblia Enxet

⁴ Keñe axta appaqhetchásekxo makham Wesse' egegkok ma'a David, tén axta aptáha apchátegmowágko Wesse' egegkok se'e: —Emhók sa' ma'a Queilá, hakte agkések sa' ko'o exchep yaqwayam elmok ma'a filisteos.

1 Samuel 23:4 ပူးပေါင်းရင်းမြစ်များ

2 Samuel 2:1

Apkelmaxneyáha axta Wesse' egegkok David natámen xa, axta aptáhak apcháneya s'e: —¿Ewancheya ko'o amhagkok xama tegma apkelyawe apheykegko nak Judá? Apchátegmowágkek axta Wesse' egegkok: —Éhay, apwanchek emhagkok. Keñe axta David aptáha apkelmaxneyáncha'a: —¿Háxko ewanchek amhagkok? Apchátegmowágkek axta Wesse' egegkok: —Emhók sa' ma'a Hebrón.

2 Samuel 5:19

Keñe axta David apkelmaxneyáncha'a m'a Wesse' egegkok, aptáhak axta s'e: —¿Ewancheya sa' ko'o aktamagkok filisteos? ¿Hemallahancheseya sa' ko'o nepyeseksa m'a énxet'ák nak? Apchátegmowágkek axta Wesse' egegkok: —Ektamák sa', hakte amallahanchesek sa' ko'o exchep nepyeseksa m'a énxet'ák nak.

2 Reyes 3:18

Cháxa ketsék aqsok apxekmósso sekxók Wesse' egegkok apmopwána elána', hakte elmések sa' han kéxegke yaqwayam kólmenxenek ma'a moabitas,

1 Crónicas 14:10

Keñe axta David apkelmaxneyáncha'a m'a Wesse' egegkok, aptáhak axta s'e: —¿Ewancheya sa' ko'o aktamagkok filisteos? ¿Hemallahancheseya sa' ko'o nepyeseksa m'a énxet'ák nak? Apchátegmowágkek axta Wesse' egegkok: —Ektamák sa', hakte amallahanchesek sa' ko'o exchep nepyeseksa m'a énxet'ák nak.

Josué 8:7

Keñe sa' kéxegke kólántépok ma'a kélyexánegwánxa enxoho, kólmok sa' ma'a tegma apwányam nak, hakte egkések sa' ma'a Dios Wesse' kélagkok.

Jueces 6:39

Aptáhak axta makham Gedeón: “Náhetaqnow aqsa ko'o sélmaxneyákxo enxoho makham. Éltamhók eykhe hexekmósek makham mók aqsok magkenatchesso. Yána sa' keymáwhok ma'a nepkések apyempehek, keñe sa' yálye kayássesek ma'a xapop nak.”

Jueces 7:7

Tén axta aptáha apcháneya Wesse' egegkok ma'a Gedeón: “Alwagkasek sa' ko'o teyp kéxegke alásenneykxak xa trescientos énxet nak, amenxenek sa' ma'a madianitas. Keñe sa' ma'a nápakha nak, eltaqhekxak sa'.”

Jueces 7:9

Cháxa axta'a nak, aptáhakxa axta Wesse' egegkok apcháneya m'a Gedeón: “Exnekxa néten, keñe sa' exog ektámenták ma'a madianitas, hakte almések sa' ko'o exchep ma'a.

1 Samuel 10:22

tén axta kélmaxneyancha'a makham Wesse' egegkok, yaqwayam kólya'asagkohok apheyk kexaha han Saúl ma'a. Apxénchek axta Wesse' egegkok apha Saúl ma'a, apyexanma m'a neyseksa kélxátamakxa axta chá'a aqsok.

1 Samuel 23:2

apxegkek axta apkelpaqhetchásekpoho Wesse' egegkok. Aptáhak axta apcháneya: —¿Ewancheya sa' ko'o alnapaxchek filisteos? Apchátegmowágkek axta Wesse' egegkok: —Éhay, elnapap sa', elwagkas sa' teyp ma'a énxet'ák apheykha nak tegma apwányam Queilá.

1 Samuel 23:3

Keñe m'a énxet'ák David apkelxegexma'a, aptáha apcháneya s'e: —Nélmeneykha negko'o neyseksa negheykha s'e Judá, ¡kayágwomhok sa' aqsa nélmahágko enxoho Queilá ólnapaxchek ma'a sẽlpextétamo filisteos!

1 Samuel 23:5

Apxegkek axta David apmahágko Queilá yetlo apkelxegexma'a, apkelnápekpek axta m'a filisteos, apkelnapchek axta han apxámokma apagko', apkelmágkek axta m'a aqsok apnaqtósso. Cháxa ektáhakxa axta apkelwagkasa teyp David ma'a énxet'ák apheykha nak Queilá.

1 Samuel 28:6

Yetlókok axta han apkelmaxneyeykha Wesse' egegkok, axta eyke yátegmowágkok, axta han ét'ak ma'a apwanmagko enxoho, axta han kaxekmowásak ma'a Urim, axta han eltennásak ma'a apkellegasso nak Dios appeywa.

1 Samuel 30:8

apkelmaxneyáha axta Wesse' egegkok. Axta aptáhak apcháneya s'e: —¿Ewancheya ko'o alamhagkokxak ma'a énxet'ák apkelmenyexma nak? ¿Altahanyekxaya sa'? Apchátegmowágkek axta Wesse' egegkok: —Elamhagkokxa', eltahanyekxak sa', elmekxak sa' han ma'a apkelma axta apnaqleykekxa'.