1 Samuel 23:26 - Biblia Enxet

²⁶ Xama nekha egkexe axta han apxegak ma'a Saúl yetlo apkelxegexma'a, keñe axta han David mók nekha nak egkexe yetlo apkelxegexma'a, apkelápaqheyncha'a apkelxegawo yaqwayam eyenyók makhawo' ma'a Saúl. Xama axta peya ewakhekxak Saúl yetlo apkelxegexma'a m'a David, tén han ma'a apkelxegexma'a nak David, ketók axta yaqweykenxa elmok,

1 Samuel 23:26 ပူးပေါင်းရင်းမြစ်များ

2 Samuel 15:14

Tén axta David aptáha apkeláneya m'a apkeláneykha, apheykha axta xamo' ma'a Jerusalén: —¡Ólxeganmok sa' se'e kaxwo' nak, hakte agkok antáhak xa, hẽlmok ma'a Absalón! ¡Nók, kólpekhesa, hẽltahanyekxa katnehek, keñe hennaqtawasagkoho', elnápok han apyókxoho énxet'ák apheykha nak se'e tegma apwányam, elyetxeygkok sókwenaqte!

2 Crónicas 20:12

Dios egagkok, ¡ellegássesagkoho sa' xa énxet'ák nak! Hakte méko negko'o nélyennaqte yaqwayam ólenmexek xa sẽlpextétamo apxámokma segketamakmo nak. ¡Magya'ásegkok yaqwánxa antéhek; la'a nélenmexákxoho nak aphakxa exchep!”

Salmos 17:11

hétlawha chá'a m'a sekmahágkaxa enxoho, héleyxek chá'a emáwhok heyaqnegkesek náxop.

Salmos 17:9

hewagkas teyp neyseksa sektáméyam ma'a élmasagcha'a nak apkeltémakxa, ¡ewakhayak ko'o m'a sélenmexma apmáheyo nak heyaqhek!

Salmos 22:12

Máxa weyke kelennay'awók aptamheykegkok sewakhaya m'a sélenmexma, ektéma nak weyke kelennay'awók éllo m'a Basán;

Salmos 22:16

Máxa semheg aptamheykegkok sewakhaya apxámokma m'a élmasagcha'a nak apkeltémakxa, apkelyensassegkek emék, tén han emagkok séltakxeykha.

Salmos 31:22

Énagkamchek axta ko'o héltekkessók ma'a aphakxa nak, cham'a sélmenaka axta; xama axta sélmaxneya séltamho hepasmok, apleg'awók axta exchep sekwóneykha.

Jueces 16:2

Xama axta apkelleg'a apheykha nak Gaza apha Sansón ma'a tegma apwányam nak, apwakheykxeyk axta; apchaqnáha axta han apkelánencha'a átog tegma apwányam ekyókxoho xa ekhem nak. Keñe axta ekyáqtésa apkeltaqhákxo apkellókasseykxo apkelyampe, xénchek axta apkelwáxok yaqhek ma'a élsaka enxoho.

1 Samuel 19:12

Yetlókok axta han ektekkesso Mical átog étkok ma'a David, keñe axta apxeganakmo.

1 Samuel 20:38

Keñe axta apyennaqtésawo makham appeywa Jonatán apwónéncha'a m'a apkeláneykha: —¡Epekhésa etnetchenta', ná etnegwom! Apkelmákxeyk axta yágke aktek ma'a Jonatán apkeláneykha, keñe axta apkelsántegkesa wesse' apagkok,

1 Samuel 23:25

apxegkek axta Saúl yetlo apkelxegexma'a yaqwayam ektamok ma'a. Xama axta kéltennasa David, apmeyánteyk axta m'a émhakxa nak meteymog ekyawe, émha nak ma'a meykexa énxet Maón. Xama axta apleg'a Saúl, apmahágkek axta m'a meykexa énxet nak Maón apkemhágko m'a David.

1 Samuel 23:27

apwokmek axta xama apseykha amya'a aptáha apcháneya Saúl se'e: —¡Wesse', etaqhoho sa' ekmanyehe agko', hakte apkelántaxneyk negókxa m'a filisteos!