1 Samuel 23:12 - Biblia Enxet

¹² Keñe axta David aptáha apkelmaxneyáncha'a makham se'e: —¿Yánaya sa' negko'o ólmaxchek ma'a énxet'ák Queilá, ko'o, tén han sélxegexma'a nak, hẽlmések ma'a Saúl? Keñe axta Wesse' egegkok aptáha apchátegmowágko s'e: —Éhay, yohok sa' kólmaxche'.

1 Samuel 23:12 ပူးပေါင်းရင်းမြစ်များ

Salmos 118:8

Tásek antéhek negáyo Wesse' egegkok, kaxnók antéhek negáyo énxet.

Salmos 143:8

Hey'assásegwakxoho chá'a ko'o ektémakxa seyásekhayo ekyókxoho axto'o, hakte may'ásseykmok ko'o exchep. Hey'ássesagkoho chá'a yaqwánxa atnehek sekweynchámeykha, hakte éltennássek ko'o exchep ma'a aqsok sekmámenyého.

Salmos 31:8

meltémók hemok ma'a sélenmexma nak; ¡etnegkesseykmek ma'a ekyawakxa nak exma'!

Salmos 62:1

Dios apteme wánxa segkésso meyke ektáhakxa sekha; cha'a keñamak sekwayam teyp ma'a.

Isaías 29:15

¡Énxet'ák laye, apkelyexánegkesso nak chá'a Wesse' egegkok yaqwayam ekpósek ma'a aqsok apmáheyo elanagkok, apkelánéyák nak chá'a apkeltémakxa ekmaso m'a ekyáqtésakxaxma apteme nak chá'a elpaqmétek se'e: “Méko segwet'a. Méko segya'ásegko!”

Jeremías 11:18

Eñássek axta ko'o Wesse' egegkok apkelánegkokxo aptamhágkaxa sélenmexma apmako hetnéssessamhok exma ekmaso. Exekmóssek axta ko'o m'a, yaqwayam enxoho ay'asagkoho'.

Jueces 15:10

aptáhak axta apkelmaxneyáncha'a apheykha axta Judá s'e: —¿Yaqsa ektáha kélmeyókmo nak peya hẽlnapaxchek negko'o? Aptáhak axta apkelátegmowágko s'e: —Nélxegakmek negko'o yaqwayam agmok ma'a Sansón, yaqwayam agyaqmagkásekxak ma'a senteméssessamakxa nak negko'o.

1 Samuel 23:11

¿Naqsóya apmáheyo hey'áwak ko'o Saúl sekleg'a axta amya'a? ¿Yánaya sa' ko'o hemok énxet'ák apheykha nak se'e Queilá? ¡Éltamhók ko'o héltennaksek, Wesse', Dios nak Israel, hakte ko'o sekteme xép apkeláneykha! Keñe axta Wesse' egegkok aptáha apchátegmowágko s'e: —Exegmak sa' Saúl.

1 Samuel 23:20

Appekheyha sa' agkok wesse', hẽlyetlakxa sa', agmések sa' negko'o.

1 Samuel 23:7

Keñe axta Saúl kéltennassama apheykmo David ma'a Queilá, keñe axta ektáha apwáxok se'e: “Egkéssek ko'o Dios yaqwayam amok, hakte xama axta aptaxna m'a tegma apwányam, apkelápegkokxeyk axta atña'ák neptámen.”