1 Samuel 22:18 - Biblia Enxet

¹⁸ Tén axta wesse' apwányam aptáha apcháneya m'a Doeg, apteme axta edomita: —¡Elnáhap xép! Yetlókok axta han apketámeyak Doeg ma'a apkelmaxnéssesso nak Dios énxet'ák apagkok, ochenta y cinco énxet'ák axta han apkelnápak, apkelántaxneykekxa axta m'a apáwa efod, apkelánamap axta apáwa apkeláxñe.

1 Samuel 22:18 ပူးပေါင်းရင်းမြစ်များ

2 Crónicas 24:21

Aphésawók axta eyke mók apkelpeywa yaqwánxa etnéssesek, apkelyetna'ak axta meteymog ma'a apwáxok nak Wesse' egegkok tegma appagkanamap apagkok, eñama appeywa m'a wesse' apwányam.

Salmos 78:64

Apkeletsepmeyk axta han apkelmaxnéssesso Dios énxet'ák apagkok, sawo axta chá'a kélyetxeykegkok, yawanchek axta han ekmáheyo kallekxagwaha m'a apnaqteyegka'a neptámen.

Éxodo 28:40

Elanés sa' nahan apkelántaxno apkelwenaqte m'a Aarón apketchek nak, tén han ma'a apnaqtete nak chá'a nepxet tén han ma'a apkelatchesso apqatkok, yaqwayam sa' kalmések apkeleymákpoho tén han ektaxnémo.

Proverbios 24:15

Nágkaxén aqsa apwáxok ekmaso elának ma'a énxet meyke nak aptémakxa, ná ektamák enaqtawássesha aqsok apagkok ma'a apxagkok nak,

Oseas 5:11

Mékoho kélteméssessók ma'a énxet'ák nak Efraín, massegkek kélháxenmo m'a ektémakxa nak chá'a ekpayhémo ekha xapop apagkok, hakte apmenyeyk chá'a elyetlakxak ma'a aqsok kéláyókxa élmowancha'a amya'a nak.

Oseas 7:3

“Apkeltémakxa ekmaso chá'a kapeykessásekxak apwáxok wesse' apwányam ma'a énxet'ák ahagkok, apkelmopwancha'a amya'a chá'a kalpeykessásekxak apkelwáxok ma'a apkelámha apmonye'e nak.

Miqueas 6:16

Hakte apyetlamchek xép aptémakxa axta m'a Omrí, apkeláneyak ma'a aptamheykegkaxa axta m'a Ahab apnámakkok, aptemegkek ma'a aptamheykegkaxa axta. Cháxa keñamak peya nak atnéssesek xép aqsok eyeymáxkohol'a kóllano' tén han apkesmésamap yetlo m'a énxet'ák apagkok, kápekxak sa' xép apkelmegqakto m'a énxet'ák ahagkok.”

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.

1 Samuel 2:18

Keñe axta m'a sakcha'a Samuel, apxegkessama aqsa aptamheykha m'a aphakxa nak Wesse' egegkok, yetlo aptaxneykekxa m'a apáwa efod apkeláxñe nak.

1 Samuel 2:28

Keñe m'a nepyeseksa nak apyókxoho énxet'ák Israel, sélyéseykencha'a ko'o kéxegke yaqwayam kóltéhek apkelmaxnéssesso énxet'ák ahagkok, yaqwayam enxoho hélwatnések chá'a aqsok ma'a sélwatnéssamakxa nak chá'a aqsok, keñe han elwatnek chá'a m'a aqsok ekmátsa nak ekpaqneyam éten agkok, tén han elántaxnekxak chá'a apáwa efod elmeyekxak sekhakxa'. Ekméssegkek axta han chá'a ko'o nekha apyapmeyk nanók ma'a aqsok kélmésso naqsa apkelseykekxa axta chá'a israelitas, sélwatnésso ko'o.

1 Samuel 2:36

Keñe sa' ma'a ektáhakxa enxoho meletsapma m'a apnámakkok, elmeyenták sa' chá'a eltekxekwaták aptapnák apmonye' elmaxnak selyaqye aktek élmope, essenhan ma'a pán nápakha, elmaxneyha aptamheykha nepyeseksa m'a apkelmaxnéssesso nak énxet'ák ahagkok, yaqwayam étak apto.’”