1 Samuel 22:14 - Biblia Enxet

¹⁴ Keñe axta Ahimélec aptáha apchátegmowágko wesse' apwányam se'e: —¡Méko xama enxoho nepyeseksa apkeláneykha exchep wesse', aphémo m'a David, aptémakxa nak meyenyaweykha, apepháyem han xép ma'a wesse', tén han apkemha apmonye' sẽlpextétamo apagkok, kéláyo han ma'a apxagkok apyawe kañe' nak xép!

1 Samuel 22:14 ပူးပေါင်းရင်းမြစ်များ

1 Samuel 17:25

axta aptáhak apkelpaqmeta s'e: “¿Kélwet'aya xa énxet apxegakmo nak? ¡Apxegakmek yaqwayam ellókasagkok ma'a énxet'ák Israel! Énxet apchaqhe enxoho xa, elmések sa' aqsok ekxámokma wesse' apwányam, egkések sa' han apketche kelwána yaqwayam etnehek aptáwa', megyánhek sa' han elyánmagkasek élmomaxche nak chá'a selyaqye m'a apnámakkok.”

1 Samuel 18:13

Axta keñamak aptekkessama m'a aphakxa nak, apteméssessama apkemha apmonye' sẽlpextétamo apxámokma, exog axta chá'a apmonye' ey'ammok kempakhakma, tén axta enaqlanták han chá'a.

1 Samuel 18:27

apnaqlókek axta David sẽlpextétamo apagkok, apkelnapchek axta han doscientos filisteos; tén axta apkelsákxésa wesse' apwányam ma'a apkelyenyekhassáseyak axta nekha apyempe'ék, apkelméssek axta yaqwayam etnehek apepháyem. Yetlókok axta han apmésso Saúl ma'a apketche Mical, yaqwayam etnehek aptáwa'.

1 Samuel 20:32

Keñe axta Jonatán aptáha apchátegmowágko s'e: —¡Yaqsa ektéma apmáheyo nak emátog! ¡Yaqsa aqsok apkeláneya!

1 Samuel 21:2

Apchátegmowágkek axta David: —Wesse' apwányam xeyk ko'o seyáphasso, apkeltamhók xeyk han maxének apkeltamhókxa alának aqsok. Éltennássek xeyk eyke yókxexma yaqwánxa ólwetaxchek ma'a sélxegexma'a nak.

1 Samuel 22:13

Keñe axta Saúl aptáha apkelmaxneyáncha'a s'e: —¿Yaqsa ektéma xép tén han Jesé apketche kélláneykekxo nak kélpaqmeyesma sélenmexma ko'o? Apkelméssegkek axta exchep pán tén han sókwenaqte, appaqhetchessessegkek axta han Dios ma'a David apkeltémo ey'asagkohok yaqwayam hénmexek ko'o, tén han hélchetámegma', sélteméssessama nak se'e kaxwo' nak.

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.

1 Samuel 26:23

egkéshok chá'a ekyánmaga Wesse' egegkok ektémakxa aqsok apkelane m'a énxet ekpéwomo nak aptémakxa, tén han meyenyaweykha nak chá'a. Egkéssek eykhe ko'o Wesse' egegkok yaqwayam waqhek xép se'e sakhem nak, makke ko'o amakók atnéssessamhok exma ekmaso xép wesse' apwányam, aptáha nak apkelyéseykha Wesse' egegkok.