1 Samuel 22:10 - Biblia Enxet

¹⁰ Appaqhetchessegkek axta Wesse' egegkok ma'a Ahimélec apkeltémo ey'asagkohok yaqwánxa elának ma'a David, keñe apkelméssama nento tén han Goliat axta sókwenaqte apagkok, cham'a filisteo.

1 Samuel 22:10 ပူးပေါင်းရင်းမြစ်များ

Números 27:21

Ey'ókxak sa' nahan Josué m'a apkelmaxnéssesso Dios énxet'ák apagkok Eleazar, keñe sa' Eleazar hélmaxneyha ko'o emha apwesey, emha m'a Urim. Josué sa' eyke eltennaksek chá'a apkeltamhókxa etnahagkok israelitas ekyókxoho aqsok apkelánegkaxa enxoho chá'a.

1 Samuel 10:22

tén axta kélmaxneyancha'a makham Wesse' egegkok, yaqwayam kólya'asagkohok apheyk kexaha han Saúl ma'a. Apxénchek axta Wesse' egegkok apha Saúl ma'a, apyexanma m'a neyseksa kélxátamakxa axta chá'a aqsok.

1 Samuel 21:10

Apkenyahákxeyk axta makham David apyexánegkesa m'a Saúl, apyo'ókmek axta m'a Aquís, wesse' apwányam axta m'a Gat.

1 Samuel 22:11

Keñe axta wesse' apwányam apkeltamho kólyentawakxak ma'a Ahimélec, apteme axta apkelmaxnéssesso Dios énxet'ák apagkok, tén han ma'a apyókxoho apkelmaxnéssesso Dios énxet'ák apagkok apheykencha'a nak ma'a yókxexma Nob, apnámakkok axta. Xama axta apkelwokmo apyókxoho m'a aphakxa nak wesse' apwányam,

1 Samuel 22:13

Keñe axta Saúl aptáha apkelmaxneyáncha'a s'e: —¿Yaqsa ektéma xép tén han Jesé apketche kélláneykekxo nak kélpaqmeyesma sélenmexma ko'o? Apkelméssegkek axta exchep pán tén han sókwenaqte, appaqhetchessessegkek axta han Dios ma'a David apkeltémo ey'asagkohok yaqwayam hénmexek ko'o, tén han hélchetámegma', sélteméssessama nak se'e kaxwo' nak.

1 Samuel 22:15

¡Háwe han kaxwe sekpaqhetchessesso chá'a ko'o Dios ma'a! Ná hephéssa aqsa ko'o sekteme wesse', sektáha nak xép apkeláneykha, tén han ma'a énámakkok nak, may'ásegkok ahagko' ko'o xa aqsok apxéna nak.

1 Samuel 23:12

Keñe axta David aptáha apkelmaxneyáncha'a makham se'e: —¿Yánaya sa' negko'o ólmaxchek ma'a énxet'ák Queilá, ko'o, tén han sélxegexma'a nak, hẽlmések ma'a Saúl? Keñe axta Wesse' egegkok aptáha apchátegmowágko s'e: —Éhay, yohok sa' kólmaxche'.

1 Samuel 23:2

apxegkek axta apkelpaqhetchásekpoho Wesse' egegkok. Aptáhak axta apcháneya: —¿Ewancheya sa' ko'o alnapaxchek filisteos? Apchátegmowágkek axta Wesse' egegkok: —Éhay, elnapap sa', elwagkas sa' teyp ma'a énxet'ák apheykha nak tegma apwányam Queilá.

1 Samuel 23:4

Keñe axta appaqhetchásekxo makham Wesse' egegkok ma'a David, tén axta aptáha apchátegmowágko Wesse' egegkok se'e: —Emhók sa' ma'a Queilá, hakte agkések sa' ko'o exchep yaqwayam elmok ma'a filisteos.

1 Samuel 30:8

apkelmaxneyáha axta Wesse' egegkok. Axta aptáhak apcháneya s'e: —¿Ewancheya ko'o alamhagkokxak ma'a énxet'ák apkelmenyexma nak? ¿Altahanyekxaya sa'? Apchátegmowágkek axta Wesse' egegkok: —Elamhagkokxa', eltahanyekxak sa', elmekxak sa' han ma'a apkelma axta apnaqleykekxa'.