1 Samuel 21:8 - Biblia Enxet

⁸ Aptáhak axta David apcháneya Ahimélec se'e: —¿Yetnéya sawhéwa, essenhan xama sókwenaqte apagkok? Epekhéssek xeyk ko'o wesse' apwányam, la'a mamákxo sókwenaqte ahagkok, tén han ma'a mók sélmeykha nak chá'a.

1 Samuel 21:8 ပူးပေါင်းရင်းမြစ်များ

Ester 8:14

Apkelxegkek axta nahan ekmanyehe agko' ma'a apkelseykha weykcha'áhak eñama apkeltémo m'a wesse' apwányam, apkelchánteyk axta yátnáxeg apkeleñama axta nepyeseksa m'a wesse' apwányam apkelchánte. Kelyetsátexcheyk axta nahan weykcha'áhak ekpeywa m'a tegma apyennaqte nak Susa.

1 Samuel 21:7

Aphegkek axta han xama Saúl apkeláneykha m'a, apheykekxa axta yaqwayam elának aptamheykha m'a kélpakxanma appagkanamap. Doeg axta han apwesey, apteme axta edomita, apkemha apmonye' axta apkeláneseykha Saúl apnaqtósso nepkések.

1 Samuel 21:9

Aptáhak axta apchátegmowágko apkelmaxnéssesso Dios énxet'ák apagkok: —Yetneyk ma'a Goliat axta sókwenaqte apagkok, cham'a filisteo apchaqha axta exchep ma'a ekyapwátegweykenxa nak xapop Elá. Cháxa ekyetna xa teyp nak efod, kélpextete nak apáwa. Esakxa sa' apmako enxoho esakxa'; hakte wánxa ekyetna xa, méko mók. Apchátegmowágkek axta David: —Méko ekhawo ektaqmalma xa. Hegkés.

1 Samuel 22:22

keñe axta aptáha apchátegmowágko David: —Nanók axta sekya'ásegkoho ko'o eltennasha Doeg ma'a Saúl hakte aphegkek axta m'a ektéma axta xa. Ko'o keñamak sélsexnenagko aptekyawoma m'a apyókxoho apnámakkok nak.

1 Samuel 22:9

Tén axta m'a Doeg, apteme axta edomita, apha axta han nepyeseksa m'a Saúl apkeláneykha nak, aptáha apchátegmowágko s'e: —Ekweteyak axta ko'o Jesé apketche apmaheykegko m'a Nob, apye'eykekmo m'a Ahimélec, Ahitub axta apketche.