1 Samuel 20:3 - Biblia Enxet

³ Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!

1 Samuel 20:3 ပူးပေါင်းရင်းမြစ်များ

2 Samuel 15:21

Apchátegmowágkek axta wesse' apwányam ma'a Itai: —Naqsók eyke ko'o ekteméssásak yetlo sekxeyenma apwesey Wesse' egegkok tén han xépxa wesse', amhagkok chá'a m'a apmahágkaxa enxoho chá'a, amallánek essenhan watsapok, sa' axek chá'a ko'óxa xamo' xép ma'a, sektáha nak apkeláneykha.

2 Reyes 2:2

Axta aptemék Elías apkenagkama Eliseo s'e: —Exnekxa sa' xép se'e, Betel ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok, tén han xeyep, mayenyewek sa' apxakko'. Keñe axta apkelxegama apkelmaheykegko m'a Betel.

2 Reyes 2:4

Tén axta Elías aptéma apkenagkama Eliseo s'e: —Exnekxa sa' xép se'e, Jericó ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'. Keñe axta apkelxegama ekweykekxoho m'a Jericó.

2 Reyes 2:6

Tén axta aptéma apkenagkama m'a Elías: —Exnekxa sa' xép se'e, Jordán ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'. Keñe axta apkelxegama xa apqánet nak.

Salmos 116:3

Élpextehetmeyk axta ko'o nétsapma, emomchek axta ko'o m'a takhaxpop ekyentaxnamakxa nak egwáxok, eyáyók ahagko' axta, eklegeykegkók agko' axta han.

Jeremías 38:16

Apyexákpók axta eyke wesse' apwányam Sedequías aptáha apmésa ekmámnaqsoho appeywa Jeremías se'e: —Naqsók ko'o ekteméssásak nápaqtók Wesse' egegkok, segmésso nak negyennaqte magwánhek ematñekxa', magkéshek sa' nahan ma'a énxet'ák apmáheyo nak yaqhek.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Deuteronomio 28:66

Ketók kéltekyómakxa sa' chá'a katnehek; kólmeneyha sa' chá'a ekhem tén han axta'a, megkataqmelek sa' chá'a kélweynchámeykha.

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

1 Samuel 1:26

Axta entáhak eyáneya Ana s'e: —Heyemlekxoho sa' xeyep Elí, ko'o neykhe m'a kelán'a sekweykto axta chá'a sektemégweykto nempeywa nélmaxnagko s'e nápaqto' nak Wesse' egegkok, aphakxa nak xép.

1 Samuel 17:55

Xama axta apwet'a Saúl peya elnapakpok David ma'a filisteo, axta aptáhak apkelmaxneyáncha'a m'a Abner, apteme axta apkemha apmonye' sẽlpextétamo apagkok: —Abner, ¿yaqsa étche xa wokma'ák nak?

1 Samuel 20:2

Axta aptáhak Jonatán apchátegmowágko: —¡Megyohok sa' Dios emátog xép! Kaxén apwáxok megkatnehek chá'a ko'o meheltennasso táta ekyókxoho aptáhakxa enxoho chá'a, megkeyxek ma'a aqsok mékoho nak. ¡Mekpósek chá'a aqsok nahaqtók ko'o m'a táta! ¡Mopwanchek etnehek!

1 Samuel 20:4

Axta aptáhak Jonatán apkelmaxneyáncha'a: —¿Háxko apkeltamhókxa atnéssesek xép?

1 Samuel 25:26

Ekya'ásegkók ko'o megya'awo elnápok xép énxet'ák ma'a Wesse' egegkok, tén han megya'awo exnéshok mók ma'a apteméssessamakxa'. ¡Éltamhók ko'o etnéssesek Wesse' egegkok, Nabal ma'a apteméssesakxa enxoho apyókxoho m'a apkelenmexma nak chá'a exchep, tén han apmáheyo nak chá'a etnéssessamhok exma ekmaso!

1 Samuel 27:1

Axta entáhak élchetamso apwáxok David se'e: “Xama ekhem sa' ko'o heyaqhek Saúl. Tásek ko'onék kaxwók axyenmok amhagkok ma'a filisteo apchókxa', yaqwayam enxoho kamaskok hélya'aksek exma Saúl, keñe han hektamok ma'a ekyókxoho kañe' nak xapop Israel. Tén sa' axyánegkesek.”