1 Samuel 20:24 - Biblia Enxet

²⁴ Apyexánegwokmek axta David ma'a yókxexma, keñe axta ekwokmo ekhem élánamáxchexa axta chá'a kélessawássessamo pelten aphaxnagkok, aphákxeyk axta wesse' apwányam nekha mésa peya etwok apto.

1 Samuel 20:24 ပူးပေါင်းရင်းမြစ်များ

Proverbios 15:17

Tásek antók nento éleñama nak namyep ma'a ekhakxa nak nélásekhamaxkoho, kaxnók antók ápetek ma'a ekhakxa nak nélenmexamaxche'.

Proverbios 17:1

Tásek antók nento élyenneykekxa éleymomáxche, tén han anxek meyke ektáhakxa egwáxok, kaxnók anlának chá'a ekxámokma ektámáxche ekyawe tén han ólenmexaxche'.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Proverbios 21:3

Nenlane nak nentémakxa ekpéwomo tén han nenláneseykekxa ektaqmela apheykha m'a énxet'ák, cháxa ekleklamókxa nak apwáxok Dios antéhek xa, kaxnók ma'a kélnaqtósso ektekyawa nak negmésso.

Proverbios 4:17

¡Cham'a aptéyak ma'a ekmaso nak nentémakxa', keñe apyenéyak ma'a apkelyennaqtésamakpoho nak chá'a elanagkok aqsok ekmaso!

Zacarías 7:6

kéltókagkek agkok chá'a m'a kéltéyak nak tén han kélyenágko enxoho chá'a m'a kélyenéyak nak, kélagkok kélagko' aqsa chá'a kéltegyeyk yaqwayam kapasmok.’”

1 Samuel 20:23

Keñe m'a neghéssamo exchek mók nempeywa, Wesse' egegkok apteme segweteykegkoho megkatnégwayam néxa'.

1 Samuel 20:25

Apheyk axta m'a apheykekxexa axta chá'a, nápakha nak tegma. Keñe axta Jonatán apha apmonye', tén axta Abner apha nápakha m'a Saúl. Keñe axta méko ekha m'a David axta aptaháno.

1 Samuel 20:5

Keñe axta David aptáha s'e: —Saka élánamáxchexa kélessawássessamókxa pelten aphaxnagkok, eyáneyáxcheyk eyke ko'o atwok sekto xamo' ma'a wesse' apwányam. Heyho sa' eyke eyxánegwók ma'a yókxexma ekweykmoho mók ekhem, taxnám,