1 Samuel 20:10 - Biblia Enxet

¹⁰ Keñe axta aptáha apkelmaxneyeykha David se'e: —¿Yaqsa sa' ko'o héltennaksek eklawa enxoho appeywa elának xép ma'a apyáp?

1 Samuel 20:10 ပူးပေါင်းရင်းမြစ်များ

Génesis 42:30

—Kayhek appeywa senlana negko'o m'a énxet aptaqmelchesso nak ma'a apchókxa, enxénchek nentáha nélyexamaxkoho nenlányo m'a apchókxa.

Génesis 42:7

Apkelyekpelchawók axta han apkelpepma José apkelwet'a; máxa magyekpelcha axta eyke aptáhak, apyennaqtéssek axta appeywa aptáha apkelmaxneyáncha'a s'e: —¿Háxko kéleñamakxa kéxegke? —Canaán néleñamak, hótáhap apaktek nentegyágwa'ak ekha ekyánmaga —axta aptáhak apkelátegmowágko.

1 Reyes 12:13

Kayhek axta eyke appeywa wesse' apwányam Roboam apkelátegmowágko m'a, axta elyahákxak aptáhakxa apkelpeywa apkeltamhókxa etnehek ma'a apkelámha apmonye'e nak,

Proverbios 18:23

Apkelmaxneyáha agkok chá'a aqsok pók ma'a meyke nak aqsok apagkok, etaqmelcheshok chá'a appaqhetchesso; keñe kayhek chá'a katnehek apchátegmoweykegkokxa m'a énxet ekxákma nak aqsok apagkok.

1 Samuel 20:11

Apchátegmowágkek axta Jonatán: —Nók, ólweynchamha yókxexma. Apkelxegkek axta xa apqánet apkelmahágko yókxexma,

1 Samuel 20:9

Keñe axta Jonatán aptáha apchátegmowágko: —¡Nágkatne aqsa apwáxok xa ektáha nak! Ekleg'ak sa' agkok yaqwánxa etnéssesek ekmaso m'a táta, altennaksek sa'.

1 Samuel 25:10

Keñe axta m'a Nabal aptáha apchátegmowágko s'e: —¿Yaqsa énxet ma'a David? ¿Yaqsa énxet ma'a Jesé exnek apketche? ¡Apxámok énxet se'e negwánxa nak, apkenyehéyak aqsa chá'a apkelxegánegkesso m'a wesse' apagkok!

1 Samuel 25:14

Keñe axta xama Nabal apkeláneykha apya'aweykxo apkeltennássekxo m'a Abigail, Nabal axta aptáwa': —Apkeláphássek xeyk apkeláneykha David apkeleñama m'a meykexa nak énxet, yaqwayam egkések ekxeyenma apwáxok ma'a wesse' egagkok nak, exchek eyke etaqmelchásak apkelma takha', aplókek xeyk apkelana.

1 Samuel 25:17

Asagkek eyke exche' aptémakxa m'a atáwa' nak, aplamche', megkólwanchek kólpaqhetchesek, kalchetam sa' awáxok, kay'asagkoho sa' yaqwánxa katnehek, hakte aqsok ekmaso sa' káhapwak ma'a, tén han ma'a ekyókxoho apnámakkok nak.