1 Samuel 20:1 - Biblia Enxet

¹ Apkenyahákxeyk axta eyke makham David apkeñama m'a Naiot ekpayho nak Ramá, apmeyákxeyk axta m'a aphakxa axta Jonatán, axta aptáhak apcháneya s'e: —¿Yaqsa aqsok ko'o séláneya? ¿Yaqsa aqsok ekmaso séláneya ko'o? ¿Yaqsa may'assáxma séláneya nápaqtók apyáp sétamsama nak apmáheyo heyaqhek?

1 Samuel 20:1 ပူးပေါင်းရင်းမြစ်များ

Salmos 54:3

hakte énmexmeyk ko'o m'a énxet'ák éleymáxkoho nak apkelwáxok, tén han apkelyennaqteyáseykha nak apyempe'ék, apmáheyok heyaqhek. ¡Megkalxeyenmak apkelwáxok ma'a Dios!

1 Samuel 12:3

keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.

1 Samuel 19:1

Appaqhetchessek axta apketche Saúl, cham'a Jonatán, tén han ma'a apyókxoho sẽlpextétamo kelwesse'e apagkok nak, apkeltamho yaqhek ma'a David. Apchásekhayók axta eyke Jonatán ma'a David,

1 Samuel 19:18

Cháxa ektáhakxa axta apxeganakmo m'a David. Apya'aweykxeyk axta Samuel ma'a ekpayho nak Ramá, apkeltennáseyha axta han ekyókxoho apteméssessamakxa m'a Saúl. Keñe axta David tén han Samuel apkelmaheykegko apkelheykmo m'a yókxexma Naiot.

1 Samuel 20:2

Axta aptáhak Jonatán apchátegmowágko: —¡Megyohok sa' Dios emátog xép! Kaxén apwáxok megkatnehek chá'a ko'o meheltennasso táta ekyókxoho aptáhakxa enxoho chá'a, megkeyxek ma'a aqsok mékoho nak. ¡Mekpósek chá'a aqsok nahaqtók ko'o m'a táta! ¡Mopwanchek etnehek!

1 Samuel 20:32

Keñe axta Jonatán aptáha apchátegmowágko s'e: —¡Yaqsa ektéma apmáheyo nak emátog! ¡Yaqsa aqsok apkeláneya!

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 24:12

¡Wesse' egegkok sa' etnehek segyekpelchémo negko'o s'e egqánet nak, hexnésseshok sa' mók apmáheyókxa nak xép hetnéssesek, wesse'! Keñe sa' ko'o, matnéssessamók exma ekmaso xama enxoho exchep, wesse'.

1 Samuel 24:17

aptáhak axta apcháneya: —Payhawók xép aptáhakxa, tásek chá'a exchep setnéssessamakxa', keñe ko'o asagkek chá'a sekteméssessamakxa'.

1 Samuel 24:9

aptáhak axta apcháneya s'e: —¿Yaqsa ektéma apháxenmo nak chá'a kéltennáseykha sekmáheyo ko'o atnéssessamhok exma ekmaso exchep, wesse'?

1 Samuel 26:18

¿Yaqsa ektéma seyaqmáseykencha'a nak wesse', ko'o sektáha nak xép apkeláneykha? ¿Yaqsa aqsok séláneya? ¿Yaqsa aqsok ekmaso séláneya ko'o?