1 Samuel 2:15 - Biblia Enxet

¹⁵ Amonye' kélwatno axta han chá'a pexmok ma'a kélwatnamakxa nak chá'a aqsok, ewakxak axta chá'a apkelmaxnéssesso Dios énxet'ák apagkok apchásenneykha, keñe etnehek yának ma'a yaqwayam nak egkések aqsok apchaqhe: “Hegkés ko'o ápetek yaqwayam ayaqxakkasek ma'a apkelmaxnéssesso Dios énxet'ák apagkok; hakte memhek sa' takha' m'a ápetek kélmakhetchesso nak, wetek sa' aqsa.”

1 Samuel 2:15 ပူးပေါင်းရင်းမြစ်များ

Éxodo 12:9

Nágkóltow aqsa ketse enxoho m'a wetek nak tén han ma'a kélhanma nak aqsa kélyeta yegmen kélmakhetchesso. Kélyaqxaqxo eyke chá'a payhawok kóltók ma'a ekyókxoho nak aqsok kéltósso ápetek, cham'a akqátek nak, amagkok, tén han ma'a ekhéyak nak awáxok.

Levítico 3:16

Apkelmaxnéssesso Dios énxet'ák apagkok sa' elwatnek ekyókxoho néten nak élwatnamáxchexa aqsok, yaqwayam katnehek kélmésso naqsa nento kélwatno, ekmátsa nak ekpaqneyam antekhánek. Wesse' egegkok sa' etnehek apagkok ma'a ekyókxoho pexmok nak.

1 Samuel 2:14

yetchesek kelyetxaqxo apto m'a kañe' weygke, apkelmaxnéssesso Dios énxet'ák apagkok axta han chá'a apagkok ma'a ekyókxoho apkelhaxyawasso nak. Cháxa apteméssessamakxa axta chá'a apyókxoho israelitas apkelweykekxa axta chá'a m'a Siló.

1 Samuel 2:16

Aptemék agkok apcháneya m'a énxet nak, kólwet sekxók xa pexmok nak, keñe sa' ekpenchásexko enxoho apwanchek emok ma'a apmakókxa enxoho emok, keñe axta etnehek chá'a yátegmowagkok ma'a kélásenneykha nak: “Ma', tásek hegkések se'e kaxwo' nak, sa' agkok hegkeyásak, eynnaqtések sa' émpehek eymentók.”