1 Samuel 18:18 - Biblia Enxet

¹⁸ Aptáhak axta apchátegmowágko David: —Mékoho ahagko' eyke ko'o, mékoho han énámakkok ma'a kañe' Israel, mowanchek ko'o atnehek apepháyem wesse' apwányam.

1 Samuel 18:18 ပူးပေါင်းရင်းမြစ်များ

2 Samuel 7:18

Keñe axta wesse' apwányam David aptaxna kañe' apkelpaqhetchásekpoho Wesse' egegkok. Aptáhak axta s'e: “Wesse' ahagkok, ¡megkapayhawok eykhe ko'o, megkapayhawok han ma'a énámakkok senteméssesa xa ektáha nak, hakte énxet'ák mékoho negko'o!

1 Reyes 4:15

keñe axta Ahimaas ma'a ekpayho nak Neftalí, apmoma axta aptéma aptáwa' m'a Basemat, Salomón axta apketche kelwána;

Éxodo 3:11

Tén axta Moisés aptáha apcháneya Dios se'e: —¿Háxko atnehek ko'o ay'ammok aphakxa faraón alántekkesek Egipto m'a israelitas? Mékoho ahagko' ko'o.

Proverbios 15:33

Negáyo Wesse' egegkok ekteme sẽlxekmósso m'a negya'áseykegkoho aqsok; néltamhok agkok antéhek sẽláyo, kéméxcheyk sekxók antéhek meyke eyeymáxkoho egwáxok.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Jeremías 1:6

Axta ektáhak ko'o seyátegmowágkokxo s'e: “¡Wesse' ahagkok, étkok ahagko' ko'o, mowanchek han sekpeywa!”

Rut 2:10

Háxahánteyk axta Rut ekwokmoho ektekxekwakto nát xapop, tén axta ektáha élmaxneyáncha'a Booz se'e: —¿Yaqsa ektáha ektaqmeleyncha'a nak chá'a apwáxok sélano exchep tén han seyápeyncha'a nak chá'a? háwe eykhe ko'o seyókxa saxma, mók nekha eñamak.

1 Samuel 18:23

Apkelxegkek axta Saúl apkeláneykha apkeltennássekmo ekyókxoho David xa amya'a nak, keñe axta aptáha apchátegmowágko David se'e: —¿Kélanagkamcheya kéxegke kexyókok nenteme wesse' apwányam apepháyem, meyke aqsok egagkok, tén han mékoho ektéma nak ko'o?

1 Samuel 9:21

Axta aptáhak apchátegmowágko Saúl: —¡Benjamín énxet'ák apagkok nepyeseksa eyke ko'o eñamak, aptáhakxa nak apqántawók apagko' énxet'ák ma'a Israel! Mékoho apagko' han ko'o énámakkok nepyeseksa m'a Benjamín nak énxet'ák apagkok. ¿Yaqsa ektáha aptáha nak seyáneya xa?