1 Samuel 18:17 - Biblia Enxet

¹⁷ Keñe axta Saúl aptáha apcháneya m'a David: —Agkések sa' ko'o exchep ma'a Merab, hatte katnaha étkok yaqwayam etnehek aptáwa', aptáha enxoho kempakhakma yáp ahagkok megyeye emhagkok eyesagkexa', apkempakhássesa enxoho m'a Wesse' egegkok. Xeyenmeyk axta apwáxok Saúl megyaqhehek apagko' ma'a, hakte filisteos axta xeyenmak apwáxok yaqhek.

1 Samuel 18:17 ပူးပေါင်းရင်းမြစ်များ

2 Samuel 11:15

Axta entáhak aptáxésso weykcha'áhak se'e: “Kólchenegkesha sa' apmonye' Urías ma'a émha amonye' nak apkeleweykekxa sẽlpextétamo, yaqwánxa sa' kampakhaxchek ekyennaqte agko', keñe sa' kólyenyók apxakko', yaqwayam enxoho kólyetxa', tén sa' yetsapok.”

2 Samuel 12:9

¿Yaqsa ektéma melyaheykekxoho nak sekpeywa, apkeláneya m'a aqsok megkaleklo nak ewáxok? Apchaqhegkek xép ma'a Urías, apteme axta hitita, apchásenneykekxo yaqhek ma'a amonitas, apmeykekxeyk han aptamheykekxo aptáwa' m'a Urías axta aptáwa'.

2 Samuel 6:16

Xama axta ekwákxo Wesse' egegkok yántéseksek apagkok ma'a David Tegma Apwányam apagkok, kelteyányáha axta átog étkok ma'a Mical, Saúl axta apketche; xama axta ekwet'a wesse' apwányam David apkelteyncha'a apneyweyncha'a nápaqtók Wesse' egegkok, lókók agko' axta awáxok éláneyncha'a.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 55:21

Elmaha chá'a m'a apkelpeywa éltaqmalma nak, ekyeykhágweykmohol'a m'a weyke nam'agkok apyegmenek pexmok agkok, keñe m'a apkelwáxok nak élxéneykencha'a m'a kempakhakma. Elmaha chá'a m'a apkelpeywa éltaqmalma nak, ekyeykhágweykmohol'a m'a pexmok égmenek, sawo élmahamtakcha'a eyke m'a apkelpeywa nak.

Proverbios 26:24

Aplókek agkok énxet, máxa eyke katnehek melawa enxoho epaqmétek, apwáxok akke aqsa keytek yaqwayam elának ma'a aqsok ekmaso nak.

Proverbios 26:25

Ná etnésses aqsa naqso' ektaqmeleyncha'a enxoho chá'a appeywa elána', hakte láneyók apwáxok ekmaso nentémakxa m'a;

Proverbios 26:26

emáwhok sa' eykhe ekpósek ma'a aplo, aptémakxa ekmaso sa' eyke kataxchek nápaqta'awók ma'a apyókxoho énxet'ák nak.

Números 21:14

Cháxa keñamak ektéma nak ekxénamaxko m'a weykcha'áhak ekwesey nak Wesse' egegkok kempakhakma apagkok: “Nélyeykhayak negko'o m'a Vaheb, yókxexma nak Sufá, tén han ma'a ényahamakxa nak yegmen, tén han ma'a wátsam Arnón,

Números 32:20

Aptáhak axta Moisés apchátegmowágkokxo s'e: —Kéllanak agkok xa kéltáhakxa nak kélpeywa, kélmákxo enxoho kélmeykha yaqwayam kólnapaxchek kólxog apmonye' m'a Wesse' egegkok,

Números 32:27

keñe sa' negko'o nentáha nak xép apkeláneykha, ólmekxak sa' nélmeykha neganchesso nak kempakhakma, ólxog sa' ómpakha', eñama apkeltémo m'a Wesse' egegkok, ekhawo apkeltamhókxa nak xép antéhek.

Números 32:29

—Apkelyeykhákxeyk sa' agkok xamók kéxegke wátsam Jordán apyókxoho m'a Gad énxet'ák apagkok, tén han Rubén yetlo apkelmeykha apkenchesso nak chá'a kempakhakma yaqwayam kólempakhak eñama apkeltémo m'a Wesse' egegkok, ekwokmoho kélma kéxegke m'a apchókxa, kólmések sa' yaqwayam etnehek xapop apagkok apagko' ma'a apchókxa Galaad.

Deuteronomio 17:7

Sa' nahan apmonye'e elyetnak meteymog yaqwayam nak ematñekxak ma'a ektáha nak apkelxeyenma apkelwete, keñe sa' axayók ma'a apyókxoho énxet'ák nak. Keñe sa' kólmasséssók kéxegke aqsok ekmaso ekteyapma m'a kélnepyeseksa.

1 Samuel 14:49

Keso Saúl apketchek axta s'e: Jonatán, Isví tén han Malquisúa. Tén axta ánet apketchek kelwán'ák: Merab, ekteme axta katnaha étkok, keñe sexyók ma'a Mical.

1 Samuel 17:25

axta aptáhak apkelpaqmeta s'e: “¿Kélwet'aya xa énxet apxegakmo nak? ¡Apxegakmek yaqwayam ellókasagkok ma'a énxet'ák Israel! Énxet apchaqhe enxoho xa, elmések sa' aqsok ekxámokma wesse' apwányam, egkések sa' han apketche kelwána yaqwayam etnehek aptáwa', megyánhek sa' han elyánmagkasek élmomaxche nak chá'a selyaqye m'a apnámakkok.”

1 Samuel 17:36

Cháxa sektémakxa ko'o waqhek méwa essenhan aqsok nawhak eklo, ko'o sektáha nak xép apkeláneykha wesse'. Kaxhok sa' han ektáhakxa xa filisteo mey'áseyak nak Dios, hakte apkellókaseykegkek chá'a m'a Dios memassegwayam nak sẽlpextétamo apagkok.

1 Samuel 17:47

Apyókxoho apchaqneykekxa nak se'e, elya'asagkohok sa' Wesse' egegkok mehegwagkasso teyp yetlo sókwenaqte tén han sawhéwa. Wesse' egegkok apagkok se'e kempakhakma nak, sa' hẽlmések negko'o yaqwayam ólmok kéxegke m'a.

1 Samuel 18:21

xeyenmeyk axta apwáxok egkések David yaqwayam etnehek aptáwa', yaqwayam kasexnenak yaqhek ma'a filisteos. Tén axta aptáha makham apcháneya David se'e: —Sa' eyke aptáha épháyem xa.

1 Samuel 18:25

Keñe axta Saúl aptáha apchátegmowágko: —Kóltennés sa' David, maltamhók ko'o hegkések ekyánmaga kélyánmagkassamól'a chá'a ekyánmaga élyamhopma kelán'a, wánxa aqsa émenyeyk hélmések ma'a cien apkelyaqténchesso nekha apyempe'ék ma'a filisteos, yaqwayam enxoho ayaqmagkásekxak setnéssessamakxa m'a katnaha énámakkok.

1 Samuel 18:27

apnaqlókek axta David sẽlpextétamo apagkok, apkelnapchek axta han doscientos filisteos; tén axta apkelsákxésa wesse' apwányam ma'a apkelyenyekhassáseyak axta nekha apyempe'ék, apkelméssek axta yaqwayam etnehek apepháyem. Yetlókok axta han apmésso Saúl ma'a apketche Mical, yaqwayam etnehek aptáwa'.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.

1 Samuel 30:26

Xama axta apwákxo David ma'a Siclag, apkeláphássessek axta nekha aqsok ma'a apnámakkok, apkelámha apmonye'e axta Judá, apkelyementameykekxa axta m'a apkelenmexma, yetlo s'e appeywa nak: “Keso aqsok kélxawéyak naqsa kéxegke s'e, nekha aqsok sélyementameykekxa axta ko'o m'a Wesse' egegkok apkelenmexma.”