1 Samuel 18:1 - Biblia Enxet

¹ Xama axta appenchesa appaqhetchesso David ma'a Saúl, aptemék axta apxegexma apagko' Jonatán ma'a David, awanhek axta apchásekhayo ekhawo ektémakxa nak apchásekhamakpekxoho apagko'.

1 Samuel 18:1 ပူးပေါင်းရင်းမြစ်များ

Génesis 44:30

Apmenyeyk apagko' táta m'a wokma'ák nak, agkok hẽlyetlákxak negko'o néltaqháwo enxoho makham xa wokma'ák nak,

2 Samuel 1:26

“¡Élekxagweykha ko'o ekxeyenma ewáxok xép Jonatán, eyáxeg seyásekhayo! ¡Tásók agko' axta exchep setnéssessamakxa'! Yeykhágweykmók xép seyásekhayo m'a ekweykenxal'a segásekhayo kelán'a.

1 Crónicas 12:17

Apkelanyexeykmek axta m'a David keñe aptéma apkelánagkama s'e: “Sa' agkok kólmakók hélteméssessamhok exma ekmaso ko'o, peya enxoho hélpasmok, almok sa' takha kéxegke yaqwayam hélyepetchekxak yetlo ekpayheykekxa ewáxok; kélxegakmek sa' agkok yaqwayam kólának hemok ma'a sélenmexma nak, neyseksa malane eykhe ko'o aqsok ekmaso, ¡ẽlyapmeyk nano' Dios apagkok sa' eyke ellegássesagkohok apwet'a enxoho kéltáhakxa!”

Salmos 86:11

Oh Wesse', hélxekmós ko'o ámay apagkok, yaqwayam sa' eytlók chá'a ko'o meyke sekyenseyam. Yána alpeykeshok ko'o exchep ma'a apwesey.

Proverbios 18:24

Agwethok chá'a énxet ekmanyehe apkelwátesseyam apchásekhayo pók, agwethok eyke han chá'a xama énxet meyenyaweykha nak chá'a pók, megkaxók ma'a ektémakxal'a meyenyaweykha apyáxeg apagko'.

Deuteronomio 13:6

“Apyexákpók sa' agkok nahan yának elpeykeshok pók kéláyókxa méteya nak xép tén han melweteya axta m'a apyapmeyk nano', cham'a apyáxeg apagko' nak essenhan ma'a apketche apkenna nak, tén han ma'a kelwána nak, essenhan ma'a aptáwa' apchásekhayo nak, essenhan ma'a pók meyenyaweykha apagko' nak chá'a,

Jueces 20:11

Apyókxoho axta apchaqnákxak israelitas, xama appasmeykekxa axta aptáhak, yaqwayam ektamagkok ma'a tegma apwányam nak.

1 Samuel 14:45

Keñe axta énxet'ák aptáha apchátegmowágko Saúl se'e: —¡Mopwanchek yetsapok Jonatán, hakte apkelmallahanchessegkek kempakhakma m'a énxet'ák Israel! ¡Móltamhók negko'o katnehek xa! ¡Naqsók negko'o nentáha nélpeywa yetlo nenxeyenma Wesse' egegkok, móghók kólteméssessamhok exma ekmaso xama enxoho! Hakte Dios appasmak apkelana nak se'e sakhem nak. Cháxa apwagkasa axta teyp énxet'ák ma'a Jonatán megya'awo yetsapok.

1 Samuel 18:3

Apheyásawók axta han mók apkelpaqhetchásamap Jonatán tén han David, aptáha apxegexma meyke néxa, hakte apchásekhayók apagko' axta Jonatán ma'a David, ekhawo ektémakxa nak apchásekhamakpekxoho apagko'.

1 Samuel 19:1

Appaqhetchessek axta apketche Saúl, cham'a Jonatán, tén han ma'a apyókxoho sẽlpextétamo kelwesse'e apagkok nak, apkeltamho yaqhek ma'a David. Apchásekhayók axta eyke Jonatán ma'a David,

1 Samuel 19:2

apkeltennássek axta. Axta aptáhak apcháneya s'e: —Apmakók xép yaqhek ma'a táta Saúl. Katneykha sa' apwáxok axto'ók agko', éxánegwom sa' magwetamaxchexa nak.

1 Samuel 20:17

apkelánekxeyk axta eyke makham ekmámnaqsoho apkelpaqhetchásamákpoho m'a Jonatán, hakte apchásekhayók axta, apmenyeyk apagko' axta han, ekhawo ektémakxa nak apchásekhamakpekxoho apagko'.

1 Samuel 20:8

Hetnésses sa' xa ektáha nak, hakte ko'o sekteme apkeláneykha exchep, nenxeyenmeyk axta han nápaqtók Wesse' egegkok antemhek magkexeymáxkoho. Ko'o sa' agkok sélane aqsok ekmaso, heyaqha sa' ko'o exchep. Megkapayhawok héntemekxak ma'a aphakxa apyáp.

1 Samuel 22:8

Kélyókxoho kéxegke kélyexáxkohok peya héltaqnók, hakte méko ko'o séltennassama aphéssamo mók apkelpaqhetchásamákpoho hatte m'a Jesé apketche nak; megkalyetnakhassamók ko'o kélwáxok kélxama enxoho; méko xama enxoho séltennasso ko'o sénmexcháseykekxo hatte m'a sepasmeykha nak chá'a sektamheykha, yaqwayam enxoho hélchetámegmak ko'o, sélteméssesa nak se'e kaxwo' nak.

1 Samuel 23:18

Keñe axta apqánet apheyásawo mók apkelpaqhetchásamákpoho, apteméssessek axta han apweteykegkoho m'a Wesse' egegkok. Tén axta Jonatán aptaqháwo makham apxagkok, keñe axta David aphákxo makham ma'a Hores.