1 Samuel 17:44 - Biblia Enxet

⁴⁴ Axta aptáhak han apcháneya s'e: —¡Exegma', almésagkok sa' ko'o exchep aphápetek yaqwayam etawagkok ma'a máma, tén han ma'a aqsok nawha'ák éllo!

1 Samuel 17:44 ပူးပေါင်းရင်းမြစ်များ

2 Samuel 21:10

Keñe axta Rispá, Aiá axta apketche, élántaxneykxo apáwa sẽlwáxaqxamól'a magkenatchesso élapwokmo, keñe axta ekyetnakmo m'a néten nak meteymog. Hakmek axta m'a, eyeynamo m'a sekxók apnakxamap apho nak hótáhap, ekweykmoho ekwa'akto makham ekmámeye, axta kahayók xama enxoho kay'áwak náta ekhem ma'a kélhapák, axta han kahayók kay'áwak xama enxoho aqsok nawha'ák éllo m'a axta'a.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Jeremías 34:20

Wának sa' ko'o elmok ma'a apkelenmexma apkeltaqnagkamo apagko' nak, máma sa' etawagkok ma'a aphopák, tén han aqsok nawha'ák éllo.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Ezequiel 28:2

“Xép énxet, etne sa' yának wesse' apwányam Tiro s'e: “Keso aptáhakxa exchek appeywa Wesse' egegkok se'e: Awanhók agko' xép eyeymáxkoho apwáxok, apkenagkamchek xép etneyk xama aqsok kéláyókxa ekha ekmowána aphama chá'a m'a néten taháno ekyawe ektaqmalma ekheykegkaxa nak ma'a aqsok kéláyókxa, tén han ekwakhaya m'a wátsam ekwányam. Háwe exchep xama aqsok kéláyókxa ekha nak ekmowána, énxet xeyep apkenagkama chá'a kaxnémók apya'áseyak aqsok ma'a xama aqsok kéláyókxa.

1 Samuel 14:12

Yetlókok axta han kélwóneykha Jonatán, tén han ma'a apchásenneykha nak: —¡Hegya'áwa', xama aqsok sa' óltennaksek! Tén axta Jonatán aptáha apcháneya m'a apchásenneykha: —Hétlógma sa', egkések sa' yaqwayam elmok israelitas Wesse' egegkok xa énxet'ák nak.

1 Samuel 17:46

Hegkések sa' ko'o exchep ma'a Wesse' egegkok, sakhem sa' ko'o waqhek xép, keñe sa' ma'a sẽlpextétamo nak filisteos aphopák, almésagkok yaqwayam etawagkok máma, tén han aqsok nawha'ák éllo. Keñe sa' ekyókxoho nélwanmeygkaxa kólya'asagkohok apha xama Dios ma'a Israel.