1 Samuel 17:18 - Biblia Enxet

¹⁸ Elsakxés sa' han sẽlpextétamo apkemha apmonye' s'e diez weyke nagkeygmenek ekyenneykekxa nak. Elano sa' ektáhakxa apheykha m'a apkelpepma, hesantagkashok sa' han aqsok yaqwayam enxoho ay'asagkohok ektaqmela apheykha.

1 Samuel 17:18 ပူးပေါင်းရင်းမြစ်များ

Génesis 37:13

Aptáhak axta Israel apcháneya José s'e: —Apháha apkelpepma m'a Siquem apkeláneyncha'a nepkések. Éltamhók eykhe emhagkok etyánegwakxohok ma'a. —Axog sa' —axta aptáhak apchátegmowágko José.

Génesis 37:14

Exeg sa' axta aptáhak Israel, elano sa' ektáhakxa apheykha m'a apkelpepma, tén han ma'a nepkések, keñe sa' éxyók makham hesantagkasek amya'a. Apcháphássek axta Israel José apkeñama m'a xapop ekyapwate nak Hebrón, apwokmek axta José m'a Siquem,

2 Samuel 17:29

yányawhéna' apyegmenek, weyke nagkeygmenek ekyennaqte, tén han kaxwe kélyennaqtésso, eñama nak weyke nam'agkok apyegmenek, keñe han nepkések, yaqwayam etwok ma'a David tén han ma'a apkelxegexma'a; hakte xénchek axta apkelwáxok apkelyampa'awo tén han élnapa meyk, keñe han élnapa hem, apkeleñama apkelxegakmo m'a yókxexma meykexa nak énxet.

Ester 2:11

Apweynchámeykha axta nahan chá'a Mardoqueo yókxoho ekhem ma'a ekpayho nak nepyáwa m'a kelán'a tegma apyawe agkok, yaqwayam enxoho ey'asagkohok chá'a ektáhakxa ekha m'a Ester, tén han kélteméssessamakxa chá'a.

Job 10:10

Axta apteméssessók émpehek séláneya m'a ektémól'a kalanaxchek weyke nagkeygmenek yáma ekyennaqte;

Éxodo 18:7

Aptekkek axta Moisés apma takha' m'a apepyáta'. Apháxahánteyk axta nahan apmonye' tén axta appeykesa; keñe axta natámen apkelpeykesamap, apkelántaxna m'a kañe' kélpakxanma nak.

Jueces 18:15

Tén axta m'a apkelányo axta yókxexma, apkelántepa nepyeseksa m'a nápakha nak, apkelmahágkek axta m'a apxagkok axta wokma'ák levita, cham'a Micaías apxagkok nak, apkelpeykeságkek axta.

1 Samuel 16:20

apcháphássessek axta han apketche Jesé m'a Saúl, cham'a David. Apcháphássek axta aphakxa Saúl yetlo yámelyeheykok apkelpátegkesso pán, tén han yempehek kélyeta vino, tén han ma'a xama yát'ay apketkok.

1 Samuel 17:19

Keñe axta Saúl tén han David apkelpepma, tén han ma'a apyókxoho israelitas, apkelhayam axta m'a ekyapwátegweykenxa nak xapop Elá, apkelnápékpo m'a filisteos.

1 Samuel 30:21

Xama axta apwákxo David ma'a aphágkaxa axta doscientos énxet'ák apkelyampágwayam axta, melyetlo axta apxega, apkelhayam axta m'a alwáta nak Besor, apkelanyexágkek axta apma takha' m'a David yetlo apkelxegexma'a, keñe axta David apkelyepetchegwokmoho apkelpeykeságko.