1 Samuel 17:12 - Biblia Enxet

¹² Aphegkek axta han xama énxet ma'a Belén apwesey axta Jesé, apwányamók axta eyke aptemék, apyennaqtamakxa axta m'a Saúl. Ocho axta han apketchek xa énxet nak, cha'a apketche axta han xama m'a David.

1 Samuel 17:12 ပူးပေါင်းရင်းမြစ်များ

Génesis 35:19

Ketsekkek axta m'a Raquel, kélátawanyeyk axta m'a ámay nak Efrata, ekwesey nak kaxwók Belén.

2 Samuel 23:1

Keso ektemegwánxa néxa appeywa David se'e: “David, Jesé apketche, énxet apteméssesso axta Dios ekyawe kéláyo, wesse' apwányam ektáha axta apkelyéseykha m'a Dios apagkok nak Jacob, apteme axta apkelánéyak ekmátsa apmeneykmasso m'a kañe' nak Israel. Aptáhak appeywa s'e:

Salmos 132:6

Neglegayak axta negko'o ekxénamaxko yántéseksek ekhémo mók nélpaqhetchásamáxkoho, negheykegkaxa axta Efrata, keñe negwetágweykmo m'a yókxexma nak Jáar.

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Rut 4:17

Xama axta élwet'a m'a ekheykha axta ketók axagkok, axta táhak élpaqmeta s'e: ¡Wet'ak kaxwók xama yaqwayam katnehek étche Noemí! Kélteméssessek axta nahan apwesey Obed. Cháxa apyáp axta Jesé xa, apyáta' axta m'a David.

Rut 4:22

Obed axta apketche m'a Jesé, tén axta Jesé apketche m'a David.

1 Samuel 1:1

Aphegkek axta xama énxet ma'a egkexe Efraín ekwesey nak Ramá, aphawóxama axta m'a Suf apwesey axta Elcaná, Jeroham apketche, Elihú aptáwen. Apyáp apyáta' axta apwesey Tohu, Suf axta apketche, aptáha axta apkeñama m'a nepyeseksa nak Efraín énxet'ák apagkok.

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.

1 Samuel 16:18

Keñe axta xama xa énxet'ák nak aptáha s'e: —Ekweteyak ko'o xama m'a Jesé nak apketchek, apha nak Belén, apwanchek epáwaksek arpa m'a; sẽlpextétamo apyennaqte han ma'a, tásek han chá'a katnehek appeywa; tásek han apyókxa', apxegexma han aptemék ma'a Wesse' egegkok.

1 Samuel 17:11

Xama axta apleg'a Saúl tén han ma'a apyókxoho israelitas aptáhakxa appeywa m'a filisteo, teyekmek axta apkelwáxok, apkelakak axta.

1 Samuel 17:58

axta aptáhak apkelmaxneyáncha'a Saúl se'e: —Héltennés hana, ¿yaqsa enxoho exchep étche? Apchátegmowágkek axta David: —Jesé apketche ko'o, apha nak ma'a Belén, apchásenneykha nak xép wesse'.