1 Samuel 16:21 - Biblia Enxet

²¹ Apwokmek axta David aphakxa m'a Saúl, apmeyk axta han aptamheykha m'a aphakxa nak, apchásekhayók apagko' axta han Saúl ma'a David, apteméssessek axta han apkelsókáseykha chá'a apkelmeykha apkenchesso nak kempakhakma.

1 Samuel 16:21 ပူးပေါင်းရင်းမြစ်များ

Génesis 41:46

Treinta apyeyam apagkok axta weykmok José, kélyentamoma axta m'a aphakxa nak faraón, wesse' apwányam nak Egipto. Aptekkek axta José m'a aphakxa nak faraón, keñe apcheynawo apweynchámeykha m'a ekyókxoho yókxexma nak Egipto.

1 Reyes 10:8

¡Keleñémok eykel'a chá'a m'a apnaqteyegka'a nak xép, kelpayheykekxók eykel'a chá'a apkelwáxok ma'a apkeláneykha apheykha nak chá'a xamo' xép, apháxenmo chá'a m'a appeywa ekha nak ekya'áseykegkoho aqsok!

Salmos 118:9

Tásek antéhek negáyo Wesse' egegkok, kaxnók antéhek negáyo m'a énxet'ák ekyawe nak kéláyo.

Salmos 146:3

Nágkólawho chá'a énxet ekyawe nak kéláyo, cham'a énxet apkeletsapmo nak chá'a, megkamopwána nak hegwagkasek teyp,

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

Proverbios 22:29

Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Deuteronomio 1:38

Sa' eyke etxek ma'a Josué ektáha nak chá'a appasmeykha aptamheykha, apyaqmagkasso exchep, Nun apketche nak. Ewasqakkásekxoho sa', hakte sa' egkések apkelókxa Israel ma'a.

Deuteronomio 10:8

Cháxa apkelyéseykegkaxa axta nahan Wesse' egegkok Leví énxet'ák apagkok yaqwayam eswok chá'a m'a yántéseksek ekhémo mók nélpaqhetchásamáxkoho apagkok nak Wesse' egegkok, tén han yaqwayam exnakha chá'a nápaqto', tén han elpeykesho' tén han elmaxnéssesek chá'a yetlo apxeyenma apwesey, ekhawo aptamheykegkaxa nak makham se'e negwánxa nak.

Jueces 9:54

Apwóneyha axta han ekpekhe agko' Abimélec ma'a apkelsókáseykha axta chá'a apkelmeykha, aptáhak axta apcháneya s'e: “Elek sókwenaqte apagkok heyaqhekxa', maltamhók ko'o axénaxchek seyaqhe xama kelán'a.” Apkelyetxaqkak axta sókwenaqte apagkok ma'a apkelsókáseykha axta chá'a apkelmeykha, tén axta apketsapa.

1 Samuel 16:22

Apcháphássessek axta han Saúl appeywa m'a Jesé, apkeltamho exek aqsa m'a aphakxa nak elanaksek chá'a aqsok, hakte leklamók agko' axta apwáxok.

1 Samuel 17:15

emyekxohok axta chá'a m'a appakxanmakxa axta Saúl, keñe etaqhohok chá'a emyekxak Belén, yaqwayam elanha apyáp apnaqtósso nepkések.

1 Samuel 17:55

Xama axta apwet'a Saúl peya elnapakpok David ma'a filisteo, axta aptáhak apkelmaxneyáncha'a m'a Abner, apteme axta apkemha apmonye' sẽlpextétamo apagkok: —Abner, ¿yaqsa étche xa wokma'ák nak?

1 Samuel 19:7

Keñe axta Jonatán apcháneyáncha'a David, apkeltennáseyha axta ekyókxoho ektáhakxa apkelpaqhetchásamákpoho. Tén axta apyentamákxo m'a aphakxa nak Saúl, apxegkásekxeyk axta makham aptamheykha David ma'a aphakxa nak Saúl, ektéma axta m'a nanók axta.