1 Samuel 15:20 - Biblia Enxet

²⁰ Axta aptáhak apchátegmowágko Saúl: —Élyaheykekxók ko'o m'a apkeltémókxa axta atnehek Wesse' egegkok, élnápomaxcheyk han ma'a apkeltémo axta chá'a alnapaxche': ekyentameykenteyk sekmoma m'a Agag, wesse' apwányam nak Amalec, ekmassésseykmek han amalecitas.

1 Samuel 15:20 ပူးပေါင်းရင်းမြစ်များ

Job 33:9

“Cháxña'awók ko'o sektémakxa, méko han sektémakxa, méko han aqsok magwaqhémo, tén han may'assáxma.

Job 34:5

Axta aptemék chá'a Job se'e: “Méko sektémakxa ko'o, makke emáheyók hélánekxések amya'a m'a Dios.

Job 40:8

¿Péya exchep hexének megkapéwomo sektémakxa, tén han seksexnenagko, keñe exchep etnehek máxa meyke aptémakxa'?

1 Samuel 15:13

Tén axta Samuel apmahágko m'a aphakxa axta Saúl, keñe axta Saúl aptáha apcháneya s'e: —Wesse' egegkok sa' epasmok. Élanak ko'o m'a apkeltémókxa axta alának Wesse' egegkok.

1 Samuel 15:3

Exeg, ektamák; emasséssem sa' yetlo ekyókxoho aqsok apagkok, nágkalepyósho aqsa elano'. Elnáhap sa' apkelennay'a tén han kelán'ák, sakcha'áletkók, keñe han kaxwe ekpalleyam nak, tén han ma'a weyke kelennay'awo', nepkések, yányátnáxeg, tén han yámelyeheykok.’

1 Samuel 15:8

apmákpek axta han ma'a Agag, wesse' apwányam apagkok axta, apkelnáhakkassegkek axta han apyókxoho m'a sẽlpextétamo apagkok, sókwenaqte axta chá'a apkelyetxeyk.

1 Samuel 28:18

hakte melyeheykekxak xép ma'a apchánamakxa nak antéhek Wesse' egegkok, melanék han ma'a apkeltémókxa axta etnehek emasséssók ma'a amalecitas. Cháxa keñamak apteméssesa nak kaxwók Wesse' egegkok xa ektáhakxa nak.