1 Samuel 15:17 - Biblia Enxet

¹⁷ Axta aptáhak apcháneya Samuel se'e: —¿Apkenagkamcheya exchep etnék énxet mékoho? Aptemegkek xép apkemha apmonye' nepyeseksa m'a pók aptémakxa nak chá'a énxet'ák Israel, apteméssessegkek xép Wesse' egegkok yaqwayam etnehek wesse' apwányam ma'a Israel.

1 Samuel 15:17 ပူးပေါင်းရင်းမြစ်များ

Oseas 13:1

Apkelpaqmetchek axta agkok chá'a énxet'ák Efraín, yáwhok axta chá'a m'a pók énxet'ák nak Israel, apkeletsepmeyk axta eyke énxet'ák Efraín, apkelsexnánémakpo axta eñama apkelpeykessamo m'a Baal.

Jueces 6:15

Apchátegmowágkokxeyk axta makham Gedeón: —Wesse', ¿háxko ko'o atnehek alwagkasek teyp énxet'ák Israel? Apkelyelqákpók apagko' ko'o énxet'ák ahagkok nepyeseksa m'a Manasés énxet'ák apagkok, mékoho ahagko' nahan ko'o nepyeseksa m'a sekhawóxama.

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok:

1 Samuel 10:22

tén axta kélmaxneyancha'a makham Wesse' egegkok, yaqwayam kólya'asagkohok apheyk kexaha han Saúl ma'a. Apxénchek axta Wesse' egegkok apha Saúl ma'a, apyexanma m'a neyseksa kélxátamakxa axta chá'a aqsok.

1 Samuel 15:16

—¡Ewanma', altennaksek sa' ko'o exchep aptáhakxa exchek seyáneya Wesse' egegkok axta'a exchek! —axta aptáhak apchátegmowágko Samuel. —Héltennés —axta aptáhak apchátegmowágko Saúl.

1 Samuel 9:21

Axta aptáhak apchátegmowágko Saúl: —¡Benjamín énxet'ák apagkok nepyeseksa eyke ko'o eñamak, aptáhakxa nak apqántawók apagko' énxet'ák ma'a Israel! Mékoho apagko' han ko'o énámakkok nepyeseksa m'a Benjamín nak énxet'ák apagkok. ¿Yaqsa ektáha aptáha nak seyáneya xa?