1 Samuel 14:50 - Biblia Enxet

⁵⁰ Ahinóam axta ekwesey aptáwa' m'a Saúl, Ahimaas axta apketche. Abner axta apwesey m'a sẽlpextétamo wesse' apagkok, Ner axta apketche, Saúl axta apyakka'.

1 Samuel 14:50 ပူးပေါင်းရင်းမြစ်များ

2 Samuel 2:8

Apyentegkek axta Is-bóset, Saúl axta apketche m'a Abner, Ner axta apketche, apteme axta apkemha apmonye' sẽlpextétamo apagkok ma'a Saúl, apya'ássek axta m'a Mahanaim,

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

2 Samuel 3:38

Keñe axta wesse' apwányam aptáha apkeláneya m'a sẽlpextétamo apkelwesse'e apagkok: —Kélwet'ak kéxegke sakhem apmatñà Israel xama apkemha apmonye' apagko'.

2 Samuel 3:6

Chánteykegkek axta aqsa apyennaqte Abner nepyeseksa m'a Saúl axta apkelxegexma'a, neyseksa megkamassegwayam kempakhakma nepyeseksa m'a Saúl axta apkelxegexma'a, tén han David.

1 Crónicas 26:28

Heykegkek axta han aqsok ma'a apkelmésso axta m'a Samuel, apteme axta apwetayo aqsok apxekmósso Dios, tén han Saúl, Quis axta apketche, keñe han Abner, Ner axta apketche, tén han Joab, Seruiá axta étche. Selomit yetlo apkelyáxeg'a axta apkeltaqmelchesso xa ekyókxoho aqsok kélpagkanchesso nak Dios.

1 Crónicas 27:21

Idó, apteme axta han apkeñama nepyeseksa nápakha énxet'ák apheykha axta Galaad, Zacarías axta apketche; Jaasiel, apteme axta Benjamín énxet'ák apagkok, Abner axta apketche;

1 Samuel 10:14

Axta aptáhak apkelmaxneyáncha'a apyaha tén han ma'a apkeláneykha nak: —¿Háxko axta kélmaheykegkaxa'? Aptáhak axta Saúl apchátegmowágko s'e: —Yámelyeheykok axta nélchetamsók. Xama axta mólweteykekxo, keñe negya'áyekmo m'a Samuel.

1 Samuel 17:55

Xama axta apwet'a Saúl peya elnapakpok David ma'a filisteo, axta aptáhak apkelmaxneyáncha'a m'a Abner, apteme axta apkemha apmonye' sẽlpextétamo apagkok: —Abner, ¿yaqsa étche xa wokma'ák nak?

1 Samuel 26:5

Tén axta apmahágko m'a apha'akxa axta appakxenwa'a Saúl, apkelyaháha axta han ekpayhókxa aptenakxa m'a Saúl tén han Abner, Ner axta apketche, apteme axta apkemha apmonye' sẽlpextétamo apagkok ma'a Saúl. Apwet'ak axta aptena kañe' appakxanma m'a Saúl, apwakha'ak axta m'a apkelxegexma'a.