1 Samuel 14:35 - Biblia Enxet

³⁵ Apkelánessek axta han Saúl kélwatnéssamakxa chá'a aqsok ma'a Wesse' egegkok, apmonyók axta han apkelane xa ektéma nak.

1 Samuel 14:35 ပူးပေါင်းရင်းမြစ်များ

2 Samuel 24:25

apkelánessek axta Wesse' egegkok ekwatnamáxchexa aqsok ma'a, apkelméssek axta aqsok apkelwatno, keñe han aqsok ektekyawa segwetassamo nak sẽlásekheykekxoho. Tén axta apma takha' Wesse' egegkok kélmaxnagko m'a apchókxa nak, massék axta han negmasse m'a Israel.

Oseas 8:14

Apkeláneykegkek apxanák apkelyawe m'a Israel, kelwagqeykmek eyke chá'a m'a ektáha nak apkelane. Apkeláneykegkek apxámokma tegma apkelyawe ekyennaqte nak kélhaxtegkáseyak nepyáwa m'a Judá, wáléwássesek sa' eyke ko'o táxa m'a, yaqwayam sa' kalwatnek ma'a apxanák apkelyawe nak.”

Jueces 21:4

Mók ekhem axta entáhak, axto'ók agko' axta apnaqxétekhágko israelitas, apkelánegkek axta xama ekwatnamáxchexa aqsok, keñe axta apkelmésa chá'a Wesse' egegkok aqsok apkelwatno, keñe han ma'a aqsok apkelnapma segwetassamo nak nélásekhamaxchekxoho.

Jueces 6:24

Tén axta Gedeón apkelánesa xama aqsok ekwatnamáxchexa Wesse' egegkok ma'a, apteméssessek axta ekwesey “Wesse' egegkok apteme meyke ektáhakxa egwáxok”. Makhemek makham ekyetno Ofrá xa ekwatnamáxchexa nak aqsok, tegma apwányam apagkok nak ma'a Abiézer apnámakkok.

1 Samuel 14:34

Kólpaqhetches sa' énxet'ák, kóltennés sa' han héntegkásenták chá'a ko'o xama weyke kennawók aptósso s'e, essenhan ma'a nepkések, yaqwayam enxoho kólaqhek kéxegke, tén han kóltók, nágkóllána megkólya'assáxma nápaqtók Wesse' egegkok kóltawagkok ápetek yetlo éma. Cháxa axta'a nak, xama énxet axta chá'a apyentamákxohok apagko' ma'a weyke kennawók aptósso, matñék axta han chá'a m'a.

1 Samuel 7:12

Keñe axta Samuel apma xama meteymog, apkenegkessek axta teyp Mispá halep nak Sen, apteméssessek axta han ekwesey Eben-ézer, hakte axta aptáhak se'e: “Empasmeyk makham negko'o Wesse' egegkok se'e negwánxa nak.”

1 Samuel 7:17

Keñe axta etaqhohok chá'a emyekxak ma'a Ramá, aphamakxa axta chá'a, cháxa apkeláneykegkaxa axta han chá'a m'a Israel. Apkelánéssegkek axta han kélwatnéssamakxa chá'a aqsok ma'a Wesse' egegkok.

1 Samuel 7:9

Apchaqhak axta Samuel xama nepkések apketkok, apkelwatnéssek axta han Wesse' egegkok ekyókxoho; tén axta apkelmaxnéssesa Wesse' egegkok apkeltamho epasmok ma'a Israel, aphaxnawók axta han ma'a Wesse' egegkok.