1 Samuel 13:6 - Biblia Enxet

⁶ Xama axta apkelwet'a eyesagko ektáhakxa m'a israelitas, hakte apkellókók apagko' axta apketámegko m'a filisteos, apkelyexánegwokmek axta chá'a meteymog áxwa, tén han maxcha'a, keñe han neyseksa meteymog élyawe, tén han xóp élyapwate, keñe han yámelchet.

1 Samuel 13:6 ပူးပေါင်းရင်းမြစ်များ

2 Samuel 24:14

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

Isaías 42:22

kélmenyexchessegkek eyke chá'a aqsok apagkok xa énxet'ák nak, kélyementamomchek nahan chá'a, apyókxoho nahan apkelmomakpok chá'a, kélxatamchek chá'a m'a kañe' magmowagkexa nak antépok; kélmomchek chá'a xa énxet'ák nak méko nahan xama énxet enxoho yaqwayam elántekkesek, kélpóssegkek chá'a, méko nahan chá'a xama énxet enxoho yaqwayam elwagkasek teyp.”

Jeremías 41:9

Cham'a yámelchet, apxatmakxa axta apyókxoho énxet'ák aphopák apkelnapma m'a Ismael, axta m'a wesse' apwányam Asá axta apkeltémo kóllanaksek apkennápomákpo axta Baasá wesse' apwányam axta Israel. Awanhek axta m'a yámelchet nak, lanawók axta eyke énxet aphopák apkelnapma axta m'a Ismael.

Ezequiel 33:27

“Etne sa' nahan elának se'e: ‘Keso aptáhakxa exchek appeywa Wesse' egegkok se'e: Naqsók ko'o sekxéna peya etekyók nahan ma'a énxet'ák apheykha nak tegma apkelyawe, kélpalchessamakxa nak, keñe sa' ma'a apheykha nak yókxexma, wának katawagkok ma'a aqsok nawha'ák éllo, keñe sa' ma'a apheykha nak neyseksa meteymog tén han ma'a meteymog áxwa, eletsapok sa' eñama negmasse ekmaso.

Josué 8:20

Xama axta apkelenmexákxoho neptámen ma'a énxet'ák Ai, apkelwet'ak axta ekmahágko néten éten ma'a tegma apwányam apagkok nak, mopwanchek axta apmako elmahagkok mók nekha peya elxeganmok, hakte apkeltaqhegwokmek axta m'a énxet'ák Israel apkelmahéyak axta apkenyehéyak ma'a meykexa nak énxet, keñe apketámegkokxo m'a ektáha axta apmenxenma.

Jueces 10:9

Apkelyeykhákxeyk axta amonitas ma'a Jordán yaqwayam elnapakpok ma'a Judá énxet'ák apagkok, Benjamín tén han Efraín. Keñe axta israelitas apkelwet'a ekyentaxno agko' apheykha.

Jueces 20:41

Keñe axta israelitas apkeltaqhegwokmo apkelnápekpo, apkelakawók apagko' axta Benjamín énxet'ák apagkok apyekpelcha peya esawhakpok.

Jueces 6:2

Yágweykmók axta apnaqtawáseykegkoho madianitas ma'a israelitas, tén axta apkelyexánegweykmo m'a neyseksa egkexe nak, meteymog áxwa, tén han ma'a megkalapwagkexa nak eltahanyekxa', hakte apkeláyak axta m'a madianitas.

1 Samuel 13:15

Yetlókok axta han apxegeykekxa Samuel apkeñama Guilgal apmeyákxo Guibeá. Keñe axta m'a apkeleymomap axta sẽlpextétamo aptamhákxo apkelxegexma'a m'a Saúl yaqwayam yempakha', apkelwokmek axta Guibeá, ekpayho nak Benjamín, apkeleñama m'a Guilgal. Axta apkelyetsetwomhok Saúl sẽlpextétamo m'a ektáha axta apkelyetlo, seiscientos axta apyókxoho.

1 Samuel 14:11

Apkelxekmowásekpok axta han apheykegkaxa axta filisteos xa apqánet nak. Xama axta apkelwet'a, axta aptáhak apkelpaqmeta s'e: “Kólenmexho hana, apkelántekkek kaxwók hebreos meteymog áxwa apkelyexanmomakxa axta.”

1 Samuel 14:22

Xama axta apkelleg'a apkenyahágko filisteos ma'a israelitas, apkelyexánegwayam axta m'a neyseksa egkexe nak Efraín, apkelamhágkek axta han apkempakha'a.

1 Samuel 23:19

Apkelmahágkek axta eyke Guibeá m'a apheykha nak Zif, yaqwayam elpaqhetchesakpohok ma'a Saúl, axta aptáhak apcháneya s'e: —Apyexánegweykmok xama tegma apyennaqte David ma'a yókxexma egagkok nak, cham'a apheykegko nak egkexe Haquilá, ekpayho nak Hores, teyp nak meykexa énxet ekpayho nak nepyeyam.

1 Samuel 24:3

Apwetágwokmek axta han nepkések apxanák ma'a ekpayhókxa axta appéwókxa', ekyetnamakxa axta meteymog áxwa apyexánegweykemxa axta David yetlo apkelxegexma'a. Aptaxnegwokmek axta Saúl ma'a kañe' nak apmako etyesha,

1 Samuel 31:7

Xama axta apkelwet'a israelitas apheykha axta m'a teyp nak ekyapwátegweykenxa xapop, tén han ma'a neyp nak Jordán, ekpayho nak ekteyapmakxa ekhem, apkenyahágko m'a sẽlpextétamo, keñe han apketsapa m'a Saúl yetlo apketchek, apkelántekkek axta tegma apkelyawe apagkok apkenyahágko han ma'a. Keñe apkelwokmo m'a filisteos, apkelhakmek axta han ma'a.

1 Samuel 7:7

Xama axta apkelleg'a filisteos apchaqnákxo israelitas ma'a Mispá, apyo'ókmek axta han yaqwayam ektamagkok ma'a apkelámha apmonye'e nak filisteos. Xama axta apkelleg'a m'a israelitas, apkelakak axta,