1 Samuel 13:20 - Biblia Enxet

²⁰ Apyókxoho énxet'ák Israel axta chá'a elyo'ókxak ma'a filisteos, yaqwayam yának elmaxnéssesek ahamtek ma'a apkelmeykha nak chá'a apkelpeyncheyam xapop, sówaxpehek, póte, tén han yámpóte.

1 Samuel 13:20 ပူးပေါင်းရင်းမြစ်များ

2 Crónicas 34:6

Axta han aptemessásak ma'a tegma apkelyawe nak Manasés, Efraín tén han Simeón, ekweykekxoho m'a Neftalí, keñe han ma'a apheykegkaxa nak chá'a énxet'ák, yetlo m'a apyókxoho tegma apkelyawe nak.

Proverbios 27:17

Sawo ekyentaxno chá'a kólmaha kólahamtaksek ma'a sawo ekyentaxno nak, keñe énxet kañék chá'a apya'ásegwayam aqsok ma'a pók nak.

Deuteronomio 32:41

ekmaxneyákxeyk sa' agkok sókwenaqte élyenma ahagkok tén han seyeynawo sa' yaqwayam alyekpelkoho', axnéshok sa' ko'o mók setnéssessamakxa m'a sélenmexma nak. ¡Agkések sa' apkellegeykegkoho ekpayhawo nak chá'a yaqwayam agkések ma'a ektáha nak chá'a setaqnagko!

1 Samuel 13:19

Méko axta han xama énxet apkelane nak sawo m'a ekyókxoho kañe' nak Israel, hakte axta yahayók filisteos elanagkok sawo élwenaqte tén han sawhéwa m'a hebreos.

1 Samuel 13:21

Ennókek axta kélmaxnagko ahamtek ma'a kélmeykha nak chá'a kélpeyncheyam xapop, tén han sówaxpehek, axta ekyagwánxa agkok ekmomnáwa kélmaxnagko ahamtek ma'a póte, tén han kélehamtáseykekxa naw'a m'a kéltekxeyéyak nak chá'a weyke.