1 Samuel 13:14 - Biblia Enxet

¹⁴ Néxa sa' xép katnégwók ma'a aptémakxa nak wesse' apwányam. Etegyaha sa' Wesse' egegkok xama énxet ekleklamo apwáxok, etnéssesek sa' apkemha apmonye' m'a énxet'ák apagkok, hakte melyahákxak xép ma'a apkeltémókxa axta etnehek.

1 Samuel 13:14 ပူးပေါင်းရင်းမြစ်များ

2 Samuel 5:2

naqsók axta eykhe apteme wesse' apwányam egagkok ma'a Saúl, xép axta eyke apnaqlo chá'a énxet'ák Israel ma'a kempakhakma. Apkeltennassegkek axta han Wesse' egegkok yaqwayam etnehek xép apnaqleykha tén han apkeltaqmelchesso m'a énxet'ák Israel.”

2 Samuel 6:21

Apchátegmowágkek axta David: —Naqso'; eknéweyha exchek ko'o, nápaqtók Wesse' egegkok akke, sélyéseykha axta ko'o yaqwayam ayaqmagkasek ma'a yáp axta, tén han ma'a ekyókxoho námakkok nak xeye', yaqwayam atnehek sémha emonye' nepyeseksa m'a énxet'ák apagkok nak Israel. Cháxa keñamak seknéweyncha'a nak ko'o nápaqtók ma'a.

2 Reyes 20:5

“Etaqhoho eltennássekxa makham Ezequías, apkemha apmonye' nak énxet'ák ahagkok: ‘Aptáhak Wesse' egegkok se'e, cham'a Dios apagkok nak ma'a apyáp nano' David: Ekleg'ak ko'o exchep apkelmaxnagko, ekwet'ak nahan ma'a apaqtégmenek. Eynnaqtéssók sa' makham, wokmek sa' agkok ántánxo ekhem, keñe sa' emyekxak makham ma'a Wesse' egegkok tegma appagkanamap apagkok.

1 Crónicas 10:13

Cháxa ektáhakxa axta apketsapa m'a Saúl eñama eksexnenagko aptémakxa ekmaso, hakte apkeláneyak axta mey'assáxma melyaheykekxo apkeltémókxa axta etnehek ma'a Wesse' egegkok, ñémékxa apya'áyekmo axta xama kelán'a yohóxma élwóneykha axta chá'a kélhagák

Salmos 78:70

Apkelyéseykha axta apkeláneykha David, apteme axta apkeláneykha nepkések;

Proverbios 27:24

hakte megkawegqók chá'a m'a ekxákma nak aqsok egagkok, megkawegqók han chá'a m'a apkelókxa nak.

Isaías 39:5

Tén axta Isaías aptáha apcháneya Ezequías se'e: —Yeyxho sa' se'e Wesse' egegkok ekha nak apyennaqte appeywa:

1 Samuel 15:23

Magya'assáxma ekyawe agko' ma'a nénmexeykekxa nak Dios, ekhawo han ma'a nenteme nak yohóxma; aphawók apkelpeykessamo nak chá'a kéleykmássesso m'a melyaheykekxa nak chá'a Wesse' egegkok. Apkelwátéssessek xép apteme wesse' apwányam hakte apyetnakhassegkek apchánamakxa nak antéhek.”

1 Samuel 15:26

—Meytlakxe' —axta aptáhak apchátegmowágko Samuel—, hakte apyetnakhassegkek xép ma'a apchánamakxa nak antéhek Wesse' egegkok, apkelwátessessek eyke han kaxwók xép apteme wesse' apwányam ma'a Israel.

1 Samuel 15:28

Keñe axta Samuel aptáha apcháneya Saúl se'e: —Cháxa apteméssesakxa nak xép Wesse' egegkok apyementamákxo apteme wesse' apwányam Israel. Apyementamákxeyk yaqwayam egkeyásekxak xama m'a apchókxa xamo' ektaqmalma nak aptémakxa, mexnawo nak xép.

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.

1 Samuel 16:12

Apkeltamhók axta kólyentawakxak ma'a Jesé. Tásek axta han apyempehek, tén han apyókxa'. Keñe axta Wesse' egegkok aptáha apcháneya Samuel: —Keso sélyéseykha ko'o s'e. Yempekxa néten, etnésses wesse' apwányam.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.

1 Samuel 24:20

Ekya'ásegwokmek ko'o kaxwo', xép sa' etnehek wesse' apwányam, exátekhekxak sa' Israel neyseksa apteme wesse' apwányam.

1 Samuel 25:30

Apkelanak sa' agkok Wesse' egegkok ma'a ekyókxoho aqsok éltaqmela apkeltennassama axta exchep, apteméssesa enxoho apkemha apmonye' m'a Israel,

1 Samuel 9:16

“Saka sa' wáphássesek xama énxet apkeñama yókxexma Benjamín, keso ekwánxa nak ekhem, peya sa' epagkanek xép yaqwayam etnéssesek apkemha apmonye' apkeltaqmelchesso énxet'ák ahagkok Israel. Sa' elmallahanchesek neyseksa apkelma m'a filisteos, hakte apyósekak ko'o sélányo m'a énxet'ák ahagkok, seklegaya sewóneykha apkeltémo apasmok.”