1 Samuel 12:6 - Biblia Enxet

⁶ Axta aptáhak han Samuel apkeláneya m'a énxet'ák: —Wesse' egegkok axta han apkelane aqsok apchásenneykekxo m'a Moisés tén han Aarón, apkelántekkessama Egipto m'a kélyapmeyk nanók axta kéxegke.

1 Samuel 12:6 ပူးပေါင်းရင်းမြစ်များ

Salmos 105:26

Keñe axta Dios apcháphassama apkeláneykha Moisés, tén han Aarón, cham'a ektáha axta apkelyéseykha,

Salmos 105:41

Appáxqatmeyk axta meteymog, keñe axta ekteyapma yegmen, máxa wátsam axta temék ényahama m'a yókxexma meykexa nak énxet.

Salmos 99:6

Moisés tén han Aarón axta han aptamhéyak apkelmaxnéssesso énxet'ák apagkok; keñe axta han Samuel apteme apkelpeykessamo m'a apwesey. Yátegmowagkok axta chá'a Wesse' egegkok apkeltamho enxoho chá'a epasmok.

Éxodo 6:26

Cháxa apkelpaqhetchessama axta nahan Wesse' egegkok apkeltémo elántekkesek israelitas Egipto xa Aarón nak tén han ma'a Moisés, apteméssessama axta m'a aptémól'a sẽlpextétamo ey'ammok ma'a kempakhakma.

Éxodo 6:27

Cháxa ektáha axta nahan appaqhetchesso faraón, wesse' apwányam axta Egipto xa Moisés nak tén han ma'a Aarón, yaqwayam elántekkesek israelitas ma'a apchókxa nak.

Oseas 12:13

Apkelántekkessegkek axta Wesse' egegkok énxet'ák Israel ma'a Egipto, eñama m'a aplegasso nak appeywa; ¡xama aplegasso appeywa axta keñamak apkeláneykencha'a!

Miqueas 6:4

Élántekkesegkek axta ko'o kéxegke m'a Egipto, sélmallahanchessama m'a ektémakxa axta kélteme kélásenneykha naqsa. Eyáphássessegkek axta ko'o yaqwayam enaqlawha m'a Moisés, Aarón, tén han María.