1 Samuel 12:3 - Biblia Enxet

³ keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.

1 Samuel 12:3 ပူးပေါင်းရင်းမြစ်များ

2 Samuel 22:22

hakte ekyetlamchek axta ko'o m'a Wesse' egegkok nak ámay apagkok; ¡mayenseykmok xama enxoho m'a Dios ahagkok!

Nehemías 5:11

Éltamhók han ko'o kólmeyásekxak xapop apagkok se'e kaxwo' nak, tén han ma'a apkeneykekxexa nak anmen yámet, tén han apkeneykekxexa nak olivo, tén han ma'a apxanák nak, kólmassés sa' ma'a apkelméyak aqsok ekyetna nak kéxegke, cham'a selyaqye, hótáhap apaktek, vino, tén han pexmok égmenek.”

Salmos 15:5

tén han ma'a apmassáseykha nak chá'a pók selyaqye apagkok, meyke apkeltémo eyánmagkasagkok néten; tén han memà nak selyaqye exkak yáneykpok etwássesha apha m'a énxet meyke nak aptémakxa. Énxet apteme nak xa ektáha nak, metyemek sa' chá'a.

Éxodo 20:17

“Nágkatsep apnények elanok ma'a pók apxagkok: nágkatsep apnények elanok ma'a aptáwa' nak, tén han ma'a apkeláneykha nak, tén han ma'a kelwána apkeláneykha nak, tén han ma'a weyke aptósso nak, yámelyeheykok, tén han ma'a ekyókxoho aqsok ektáhakxa enxoho apagkok ma'a pók.”

Éxodo 22:4

“Wetáxcheyk sa' agkok nahan kéltósso ekmeñexamaxche apyáqkasso m'a apxagkok, tén han megyaqha enxoho, ánet apyánmagkáseykekxoho sa' etnehek, xama wey sa' eykhe katnehek, essenhan yámelyeheykok, essenhan xama nepkések.

Éxodo 23:8

“Ná ema aqsa exkak aqsok kélmésso naqsa yaqwayam mexének ektemegweykmohóxma, hakte ekho meyke apaqta'ák chá'a katnéssesek énxet kélmésso nak chá'a xa ektéma nak aqsok, néxa nahan chá'a katnéssessamhok aqsok apxeyenma m'a énxet meyke nak aptémakxa.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.

Levítico 6:4

kaphewakxak sa' xa mey'assáxma nak. Esakxak sa' makham ma'a aqsok apmenyexma nak, essenhan ma'a apwete nak eñama apyennaqteyáseykha apyempehek, essenhan ma'a apchánémap nak eltaqmelchesek, essenhan ma'a aqsok apweteykekxa nak,

Levítico 6:5

essenhan ma'a mók aqsok apxeyenma nak meté. Elmeyásekxak sa' ekyókxoho m'a ektáha nak apagkok, yetlo apyánmagkáseykekxa ketsék néten un quinto, cham'a apyentamákxo enxoho aqsok apchaqhe ekyánmaga apsexnánémap.

Números 16:15

Aplókók apagko' axta m'a Moisés. Aptáhak axta apcháneya Wesse' egegkok se'e: —¡Ná ema aqsa takha' aqsok apkelmésso naqsa apkelseykentegkesso xa énxet'ák nak! Malyementamák ko'o xama enxoho yámelyeheykok apnaqtósso m'a, matnéssesseykmohok nahan exma ekmaso xama enxoho m'a.

Deuteronomio 16:19

Nágkólyetnakhássem chá'a m'a ekpéwomo nak kéllánekxésso amya'a kélnámakkok, nágkóltemésses chá'a apyeykhamap pók kóllanok énxet nepyeseksa m'a pók énxet'ák nak, nágkólma chá'a kólxawak selyaqye kóláneyxchek megkólxének aqsok kélwete, hakte máxa meyke apaqta'ák chá'a katnésseshok énxet'ák apkelya'áseykegkoho nak chá'a aqsok ma'a apma nak chá'a exkak selyaqye yaqwayam mexének ma'a aqsok apwete, katwássesha nahan chá'a apkelpeywa m'a énxet'ák apkelpéwomo nak.

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok:

1 Samuel 12:4

—Mehennaqtawáseykegkohok negko'o exchep xama enxoho, mehẽlhék nahan, memák han chá'a selyaqye yaqwayam mexének ektemegweykmoho exma —axta aptáhak apkelátegmowágko m'a énxet'ák.

1 Samuel 12:5

—Wesse' egegkok tén han ma'a wesse' apwányam apteme axta apkelyéseykha, apteme apweteykegkoho sélxéna kéxegke sekteme meyke seksexnánémaxche' sélane xama aqsok —axta aptáhak ma'a Samuel. —Cháxa —axta aptáhak apkelátegmowágko.

1 Samuel 2:35

Tén sa' ko'o atnéssesek xama apkelmaxnéssesso énxet'ák ahagkok ma'a énxet megkólésso nak aqsok, tén han apkelane nak chá'a m'a sekmámenyého, tén han apteme nak chá'a m'a sektáhakxa, wának sa' megkayetyapwágwomek apha aptawán'ák neptámen, wának sa' han etneykha chá'a m'a aphakxa nak wesse' apwányam sélyéseykha.

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 24:6

aptáhak axta apkeláneya m'a apkelxegexma'a: —¡Megyohók ko'o atnéssessamhok exma ekmaso Wesse' egegkok ma'a wesse' apwányam ahagkok nak! ¡Hakte wesse' apwányam xa, Wesse' egegkok apagko' axta han apkelyéseykha!

1 Samuel 24:7

Cháxa aptáhakxa axta David apnókasancha'a m'a apkelxegexma'a, axta ya'awok ektamagkok ma'a Saúl, aptekkek axta Saúl ma'a meteymog áxwa apxegákxo makham.

1 Samuel 26:11

Megyohok sa' ko'o waqhek Wesse' egegkok ma'a wesse' apwányam apkelyéseykha nak. Ema aqsa xa sawhéwa apagkok apkenegkesa nak ekpayhókxa apqátek, tén han egheykok ekyawe apagkok apyeta nak chá'a yegmen, keñe sa' óltaqhoho'.

1 Samuel 26:9

Tén axta David aptáha apchátegmowágko: —Nágyaqha aqsa, hakte megkatnehek megkóllegassáseykegkoho apmáheyo nak yaqhek wesse' apwányam, apkelyéseykha nak ma'a Wesse' egegkok.