1 Samuel 12:2 - Biblia Enxet

² Keso wesse' apwányam peya sa' etnehek apnaqleykha kéxegke. Sekwányamók eyke ko'o kaxwók ektáhak, mópowók han ma'a éwa', apháha han étchek kélnepyeseksa kéxegke. Ko'o axta seknaqleykha chá'a kéxegke, eyeynmo sektémakxa axta wokma'ák, ekwokmoho s'e negwánxa nak,

1 Samuel 12:2 ပူးပေါင်းရင်းမြစ်များ

Salmos 71:18

Dios ahagkok, ná heyenyaw aqsa, sektáha nak sekwányamo, tén han ekmopa nak épátek, seyewagko nak makham altennaksek ektémakxa apmopwána ekyawe s'e kaxwe apkektega nak, tén han ma'a yaqwayam nak elántépok egmonye'.

Josué 23:1

Wenaqtémók axta natámen aptaqmelchessáseykekxa apheykha Wesse' egegkok ma'a énxet'ák Israel, massegkek axta apkelnápomap ma'a apkelenmexma, apwányamók axta aptemék ma'a Josué,

Josué 23:2

apkeltamhók axta elyo'ótak apyókxoho israelitas, yetlo apkelámha apmonye'e apagkok, segyekpelchémo tén han ma'a sẽlpextétamo apkelwesse'e nak, aptáhak axta apkeláneya s'e: “Ekwanakmók ahagko' ko'o kaxwo'.

1 Samuel 2:22

Apwányamók axta aptemék ma'a Elí, aplegayak axta ekyókxoho apteméssessamakxa chá'a apketchek ma'a israelitas, aplegayak axta han apkelpatheteykegko chá'a m'a kelán'ák éltamheykha axta chá'a m'a átog kélpakxanma apchaqneykekxexa axta chá'a énxet'ák.

1 Samuel 2:29

¿Yaqsa eyke ektéma megkóltaqmelchessama nak chá'a m'a aqsok ektekyawa kélmésso naqsa, séltémo axta chá'a ko'o kalanaxche'? ¿Yaqsa ektéma kélmeyókassamo chá'a apmonye'e m'a kélketchek tén ko'o séltemessáseykekxoho chá'a axayo'? Apnaqmelassegkek apkeleykegko m'a éltaqmelakxa nak sélmésso naqsa ko'o m'a énxet'ák ahagkok Israel.’

1 Samuel 3:10

Tén axta apwa'akto makham Wesse' egegkok, apkenmáha axta, keñe aptáha makham apwóneyncha'a m'a aptáhakxa exchek ma'a sekxók xeyk: —¡Samuel! ¡Samuel! —Epaqmet, ekhaxnawo', ko'o sektáha nak xép apkeláneykha —axta aptáhak apchátegmowágko Samuel.

1 Samuel 3:13

Éltennassegkek axta ko'o allegássesagkohok ma'a énxet'ák apagkok meyke néxa, eñama apkeltémakxa élmasagcha'a, apya'ásegkok eyke m'a; hakte exéneykha axta chá'a ko'o ekmaso m'a apketchek nak, axta han elnókáseykha chá'a.

1 Samuel 3:16

apwóneyha axta eyke m'a Elí, aptáhak axta apcháneya s'e: —¡Samuel! —Ekwa'akte' —axta aptáhak apchátegmowágko.

1 Samuel 8:1

Apwányamók axta aptáhak Samuel, keñe aptemessásegko apkelámha apmonye'e apketchek ma'a kañe' nak Israel.

1 Samuel 8:20

yaqwayam enxoho antéhek negko'óxa m'a ektémakxa nak ma'a mók apkelókxa, tén han yaqwayam etnehek wesse' apwányam negyeseksa negko'o, tén han etnehek apkemha apmonye' sẽltaqmelchesso, apkemha apmonye' egagkok kempakhakma.

1 Samuel 8:3

Axta eyke etnaheykegkok aptémakxa axta apyáp xa apketchek nak. Apmenyeyk axta aqsa exámasagkok aqsok apagkok, emok axta chá'a ekyánmaga yaqwayam mexének ektemegweykmoho exma, axta elánéseykekxak chá'a ekpéwomo agko' amya'a m'a énxet'ák.

1 Samuel 8:5

yaqwayam enxoho etnehek yának se'e: “Apwányamók xép kaxwók aptáhak, metnaheykegkok han apketchek ma'a aptémakxa nak xép; elyésha sa' xama wesse' apwányam yaqwayam sa' etnehek apkemha apmonye' sẽltaqmelchesso, ektamheykegko nak ma'a ekyókxoho apheykegkaxa.”