1 Samuel 11:11 - Biblia Enxet

¹¹ Mók ekhem axta entáhak apkexpánchesa Saúl ántánxo apkelyaqyeyáseyak sẽlpextétamo apagkok, amonye' élseye axta han apkelántaxnegwokmo m'a apkelpakxeneykegkaxa nak apkelenmexma, apkelnapchek axta amonitas ekweykmoho yetseksókhem. Keñe m'a metekyawa nak apkexpaqna, meyke apxegexma chá'a.

1 Samuel 11:11 ပူးပေါင်းရင်းမြစ်များ

Génesis 22:14

Keñe axta natámen Abraham apteméssesa ekwesey yókxexma: “Wesse' egegkok apteme segmésso eyéméxchexa aqsok.” Cháxa kéltéma nak makham ekwesey s'e: “Egkexe Wesse' egegkok apteme segmésso eyéméxchexa aqsok.”

2 Samuel 18:2

Ántánxo apkexpánchesso axta han aptemessásak, Joab axta han apkemha apmonye' m'a apmonye' apkelxega nak sẽlpextétamo, keñe Abisai m'a pók nak apchaqneykekxa sẽlpextétamo, Seruiá axta étche, Joab axta apyáxeg, keñe axta Itai apkemha apmonye' m'a pók nak sẽlpextétamo, apkeñama axta m'a Gat. Axta aptáhak apkeláneya apyókxoho sẽlpextétamo s'e: —Alyetlók sa' ko'óxa kéxegke m'a kempakhakma.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Éxodo 14:24

amonye' élseye axta nahan apkelmexantámho Wesse' egegkok ekpayhókxa aphágkaxa m'a sẽlpextétamo Egipto, neyseksa apha axta m'a neyseksa táxa émha tén han ma'a yaphope, tén axta aptegkesa nepyeseksa m'a magya'áseyak nak yaqwánxa antéhek.

Jueces 1:7

Tén axta aptáha Adonisédec se'e: “Ko'o axta sekxók emonye' sélyaqténchesso apophék élyawe apmék ma'a setenta apkelwesse'e nak, tén han ma'a apophék élyawe apmagkok nak, éltémok axta chá'a ko'o eyekhamha sekto ekpalleykha m'a kóneg mésa ahagkok. Keñe kaxwo' setnéssesa ko'óxa Dios sekteméssessamakxa axta m'a énxet'ák nak.” Keñe axta kélyentamákxo m'a Jerusalén, cha'a apketsapweykekxexa axta han ma'a.

Jueces 4:16

Apmenxenchek axta Barac ma'a sẽlpextétamo nak, tén han yátnáxeg apkelyenyawasso, ekweykekxoho m'a Haróset-goím. Axta yeymékpok xama enxoho megyetsapma Sísara sẽlpextétamo apagkok xa ekhem nak: apyókxoho axta apkeletsapak.

Jueces 7:16

Yetlókok axta han apkexpánchesso ántánxo apkelyaqyeyáseyak ma'a trescientos énxet'ák, apkelmeyásegkek axta han nepkések apkennawók apkepet'ák ma'a apyókxoho, tén han yátegwáxwa meyke aqsok kélyeta kañe' apwáxok, kélatchesso axta kañe' m'a yántápak eyáléweykha naw'a.

Jueces 7:20

apheyásawók axta han mók apkelpáwasso nepkések apkennawo' apkepet'ák ma'a ántánxo apkelyaqyeyáseyak nak, apkelpáxqatchek axta han yátegwáxwa. Nepsagqalwa axta han apkelsáwak ma'a yántápak táxa eyáléwe naw'ék, keñe axta nepkések apkennawo' apkepet'ák ma'a apkelya'assamakxa nak, keñe axta aptáha apkelyennaqtésa apkelpeywa s'e: “¡Kólhaxyawasák axanák sókwenaqte! ¡Eñama Wesse' egegkok tén han Gedeón!”

Jueces 9:43

apkexpánchessek axta ántánxo apkelyaqyeyáseyak sẽlpextétamo apagkok, apkelyexánegwokmek axta m'a yókxexma; xama axta apwet'a apkelántepa tegma apwányam ma'a énxet'ák Siquem, apkelántekkek axta m'a apkelyexánegwánxa axta keñe apketámegko.

1 Samuel 11:2

Apchátegmowágkek axta Nahas, apteme axta amonita: —Axnéshok sa' ko'o mók sélpaqhetchásamáxkoho kéxegke, kélyahákxoho enxoho alhexyawássesagkok chá'a kélaqtek kéxegke ekpayho nak kélya'assamakxa', yaqwayam enxoho elmegqeyk elesmésakpok chá'a m'a israelitas.

1 Samuel 14:47

Xama axta aptéma wesse' apwányam Saúl ma'a Israel, apkelnápomákpek axta apkelenmexma ekyókxoho yókxexma, axta m'a Moab, Amón, Edom, tén han ma'a wesse' apwányam Sobá, tén han ma'a filisteos. Emallánek axta chá'a m'a apmahágkaxa enxoho chá'a.