1 Samuel 11:1 - Biblia Enxet

¹ Apmahágkek axta Jabés ekpayho nak Galaad ma'a Nahas, wesse' apwányam axta Amón, apkelánésagkokxeyk axta aptamhágkaxa sẽlpextétamo apagkok yaqwayam ektamagkok ma'a tegma apwányam. Keñe m'a énxet'ák apheykha nak yókxexma Jabés, aptáha apcháneya s'e: —Ólpaqhetchesaxkohok sa', tén sa' hentéhek negko'o exchep apkeláneykha.

1 Samuel 11:1 ပူးပေါင်းရင်းမြစ်များ

Génesis 26:28

Aptáhak axta apkelátegmowágkokxo s'e: —Negweteyak negko'o aphama exchep xamo' ma'a Wesse' egegkok, xénchek eykhe negko'o egwáxok néltamho exchep aghéshok mók nélpaqhetchásamáxkoho. Sa' katnehek neghéssamo mók nélpaqhetchásamáxkoho s'e:

2 Samuel 10:1

Yáma wenaqtémók axta, keñe apketsapa m'a Nahas, wesse' apwányam apagkok axta m'a amonitas, tén axta apyaqmagkassama apteme wesse' apwányam ma'a apketche Hanún.

2 Samuel 10:2

Tén axta David ekxéna apwáxok etnéssesek Hanún, Nahas axta apketche, ekhawo apteméssessamakxa axta aptaqmelchessama m'a apyáp axta, apkeláphássek axta nápakha apkeláneykha yaqwayam enxoho eltennaksek han Hanún eyaqha apwáxok apketsapa m'a apyáp. Xama axta apkelwokmo David apkeláneykha m'a amonitas apchókxa',

2 Samuel 17:27

xama axta apwokmo David ma'a Mahanaim, keñe apkelanyexakmo apma takha' m'a Sobí, Nahas axta apketche, apkeñama axta Rabá, cham'a yókxexma Amón; keñe axta han ma'a Maquir, Amiel axta apketche, apkeñama axta m'a tegma apwányam Lodebar; tén han Barzilai, apkeñama axta m'a Roguelim, tegma apwányam nak Galaad.

2 Samuel 2:5

apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

1 Reyes 20:34

Tén axta Ben-hadad aptáha apcháneya s'e: —Almeyásekxak sa' tegma apkelyawe, apkelyementama axta exchep táta m'a apyáp axta exchep; keñe sa' xeyep keytek apkelyánmagkásamákpexa m'a Damasco, ekhawo ektémakxa nak ko'o táta ekyetnama apkelyánmagkásamákpexa m'a Samaria. —Hoy, wohok sa' etaqhohok xeyep —axta aptáhak apchátegmowágko m'a Ahab. Cháxa apheyásawókxa axta han mók apkelpaqhetchásamákpoho Ahab ma'a Ben-hadad, keñe axta apcha'awo aptaqhákxo.

1 Crónicas 10:11

Xama axta apkelleg'a amya'a m'a apyókxoho énxet'ák Jabés ekpayho nak Galaad, apteméssesakxa filisteos ma'a Saúl,

1 Crónicas 10:12

keñe apheyásawo mók apkelpeywa m'a énxet'ák megyeye nak elmahagkok eyesagkexa', apmákxo Saúl aphápak tén han ma'a apketchek nak, apkelsákxeyk axta m'a yókxexma Jabés. Axta kélátawanyegwákxak aphopák ma'a kóneg nak xama yámet ekyawe encina. Keñe axta natámen xa metókagko aptéyak ekweykmoho siete ekhem.

Job 41:4

¿Kánaya sa' chá'a etnehek apkeláneykha meyke néxa?

Éxodo 23:32

“Ná elpaqhetchesakpoho xama enxoho xa énxet'ák nak tén han ma'a aqsok apcháyókxa nak,

Isaías 36:16

nágkólyahakxa aqsa. Eyáphássek xeyk ko'o wesse' apwányam Asiria altennássak kéxegke yaqwayam enxoho kólyepetchekxa', tén han kólmésaxche aqsa, keñe sa' kélxama kélwanchek chá'a kóltawagkok ma'a anmen yámet ekyexna eñama nak neyseksa anmen yámet kélcheneykekxa tén han ma'a higo yámet, kólyenagkok sa' nahan yegmen ma'a yámelchet kélagkok kélagko' nak.

Jeremías 40:11

Keñe axta nahan ma'a judíos apkelhayam axta m'a Moab, Amón, Edom, tén han ma'a mók apchókxa nak, apkelleg'a amya'a apchahayo apkelheykmo nápakha judíos xapop apagkok ma'a wesse' apwányam Babilonia, tén han apteméssessama apkeláneykha apchókxa m'a Guedalías.

Jeremías 40:14

Axta aptáhak apcháneya s'e: —¿Ya ey'ásegkok xép Baalís wesse' apwányam nak Amón apcháphasa Ismael, Netanías axta apketche, yaqwayam yaqhek xép? Apya'ássekmek axta eyke Guedalías.

Ezequiel 17:13

Tén axta apma xama wesse' apwányam apketche, apkelanak axta nahan ekhémo mók apkelpaqhetchásamákpoho m'a, apkeltamhók axta nahan etnehek ekmámnaqsoho agko' appeywa yaqwayam meyenyawha chá'a, apyentegkáseykxeyk axta m'a énxet'ák ekha kéláyo axta m'a apkelókxa

Deuteronomio 23:3

“Mopwanchek apagko' sa' etnahagkok Wesse' egegkok énxet'ák apagkok ma'a amonitas tén han ma'a moabitas, kawakxohok sa' nahan ma'a apmáheyo nak elántépekxak makham ma'a egmonye';

Jueces 10:7

Axta keñamak apkeltaqnaweykegko Wesse' egegkok ma'a, tén axta apkelmésa m'a filisteos, tén han amonitas.

Jueces 11:4

Yáma wenaqtémók axta han apketámeykegko amonitas ma'a Israel,

Jueces 21:8

¿Yetnéya xama israelitas se'e memhéyak axta nápaqtók Wesse' egegkok ma'a Mispá?” Xénwákxók axta kélwáxok méko xama enxoho appasmo apchaqneykekxa m'a apkeleñama nak Jabés nak Galaad,

1 Samuel 12:12

Xama axta kélweteya kéxegke apmáheyo ektámegmak ma'a Nahas, wesse' apwányam apagkok axta amonitas, keñe axta kéltémo alyéssesha ko'o xama wesse' apwányam yaqwayam etnehek apkemha apmonye' apkeltaqmelchesso, aptáhakxoho eykhe wesse' apwányam kélagkok ma'a Dios Wesse' kélagkok.

1 Samuel 14:47

Xama axta aptéma wesse' apwányam Saúl ma'a Israel, apkelnápomákpek axta apkelenmexma ekyókxoho yókxexma, axta m'a Moab, Amón, Edom, tén han ma'a wesse' apwányam Sobá, tén han ma'a filisteos. Emallánek axta chá'a m'a apmahágkaxa enxoho chá'a.