1 Samuel 1:7 - Biblia Enxet

⁷ Yókxoho apyeyam axta ekwanyeykha m'a Peniná, élmeyákxo enxoho chá'a m'a tegma appagkanamap Wesse' egegkok nak apagkok; axta keñamak élekxagweykencha'a m'a Ana, tén han megkamayheya katwok ekto.

1 Samuel 1:7 ပူးပေါင်းရင်းမြစ်များ

Salmos 102:4

yelqáxcheyk ko'o ewáxok, ektémól'a pa'at élyamaye; ¡massegwokmek han ekmátsa sekmáyhe sekto!

Salmos 102:5

Kelyepetchákxeyk émpehek ma'a exchakkok eñama seyápentegeykha seklegeykegkoho.

Jeremías 41:5

apkelwa'ak axta ochenta énxet, apkeleñama m'a Siquem, Siló tén han ma'a Samaria, apkelmópésawók axta apkelyésésso áwa' apatña'ák, yetlo apkelyepto apkelántaxno, tén han apkelpexyekháseykha apyempe'ék. Apkelsánteyk axta han aqsok ekyexna apkeneykekxa, tén han aqsok ánek ekmátsa nak ekpaqneyam éten agkok, yaqwayam elmések Wesse' egegkok ma'a tegma appagkanamap nak.

1 Samuel 1:6

Axta keñamak ekwanyeykencha'a chá'a m'a Peniná, tén han éltémo chá'a kalókasek, hakte énmexma axta m'a, wanyeykha axta hakte Wesse' egegkok axta apteméssesso megkate étche.

1 Samuel 1:8

Tén axta etnehek chá'a yának ma'a atáwa' Elcaná: “Ana, ¿yaqsa ektáha élekxagweyncha'a nak? ¿Yaqsa ektéma ekyaqhápeykencha'a chá'a awáxok, tén han megkatama chá'a ekto? ¡Awanhek ko'o seyásekhayo exche', kaqhok kaxének awáxok kótak apxámokma étchek!”

1 Samuel 2:1

Axta entáhak élmaxnagko Ana s'e: “Wesse' ahagkok, epeykessásekxók agko' ko'o exchep ewáxok, hakte egkeyásekxeyk makham axnagkok sekyennaqte. Ewanchek alyamatchesha m'a katnaha nak énámakkok hakte xép apteme sepasmo. ¡Payhékxeyk ko'o ewáxok!

1 Samuel 2:19

Kasakxéshok axta han chá'a apchaqlamap apketkok egken, ektáha axta chá'a élánésso, yókxoho apyeyam ekmeyákxoho enxoho chá'a tegma appagkanamap nak, yetlo atáwa', peya enxoho kagkések chá'a aqsok eyaqhe ekmésso nak chá'a apyókxoho apyeyam.