1 Samuel 1:23 - Biblia Enxet

²³ Apchátegmowágkek axta Elcaná, atáwa' axta m'a: —Katne sa' ma'a ekmakókxa enxoho katnehek. Kaxnekxa sa' ekwokmoho apyenyawa apto neme. Wesse' egegkok sa' eyke elának ma'a aqsok éltamhókxa nak elána'. Tén axta ekhákxo m'a keñe han ekwánegkesa m'a sakcha'a, ekwokmoho apyenyawa apto neme.

1 Samuel 1:23 ပူးပေါင်းရင်းမြစ်များ

2 Samuel 7:25

“Dios, Wesse' egegkok, elána sa' kaxwók meyke néxa m'a séltennassama axta ko'o hélanaksek, ko'o sektáha apkeláneykha, tén han étawán'ák netámen, hélanés sa' apxeyenma axta hélanaksek.

1 Reyes 3:21

Keñe élsaka sekhákxo néten peya wagkok neme hatte, sekwet'a apketsapa. Keñe ekwa'a néten ekhem sélano, keñe sekyekpelcha megkatnaha hatte, ektáha axta ko'o sekwete.

Salmos 22:9

Xép axta eyke apkeltémo atyamok séñama méme awáxok; exnéssegkek axta awáxok.

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Números 30:12

Sa' agkok eltamhók kalának apleg'a enxoho m'a atáwa', megkalanyek sa', hakte mopmenyeyk kalának ma'a atáwa', Megyánhek sa' nahan kalának ma'a Wesse' egegkok.

1 Samuel 1:17

—Kataqhekxa sa' yetlo meyke ektáhakxa awáxok —axta aptáhak apcháneya m'a Elí—. Egkések sa' aqsok élmaxneyeykha m'a Dios apagkok nak Israel.

1 Samuel 14:36

Keñe axta aptáha apkeláneya Saúl: —Ólántépok sa' se'e axta'a nak agketamagkok filisteos, ólyementamok sa' aqsok apagkok ekwokmoho élsaka, meyke negáyam xama enxoho énxet. Axta aptáhak apkelátegmowágko apyókxoho s'e: —Etne m'a ekleyawókxa enxoho apwáxok etnehek. Keñe m'a apkelmaxnéssesso Dios énxet'ák apagkok, aptáha s'e: —Ólmaxnak sa' sekxók Dios.

1 Samuel 14:40

Keñe axta Saúl aptáha apkeláneya m'a apyókxoho énxet'ák nak Israel: —Kólchaqnágwata sa' kéxegke s'e, keñe sa' ko'o tén han hatte Jonatán, anchaqnágwók á mók nekha nak. —Etne m'a ekleyawókxa enxoho apwáxok etnehek —axta aptáhak apkelátegmowágko m'a sẽlpextétamo.