1 Samuel 1:15 - Biblia Enxet

¹⁵ —Meheyaqhak ko'o anmen —axta entáhak eyátegmowágko Ana—. Meynak ko'o vino, tén han ma'a anmen ekyennaqte nak, wánxa ko'o seyapa m'a ekyentaxno agko' setnahakxa', éltennássek ko'o nápaqtók Wesse' egegkok ma'a ektémakxa nak seklegeykegkoho.

1 Samuel 1:15 ပူးပေါင်းရင်းမြစ်များ

Job 30:16

Mómenyeyk ko'o kaxwók alenxanmagkohok sekweynchámeykha; emomchek ko'o m'a seklegeykegkoho.

Salmos 143:6

Élya'ássessek ko'o emék ekpayhókxa aphakxa exchep, émenyeyk ahagko', máxa m'a xapop ekyamayél'a kámenyéhok yegmen.

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

Proverbios 14:10

Ya'ásegkók egwáxok ektémakxa nak eklegeykegkoho ekmáske, megkagkések nahan ekpayheykekxa awáxok ma'a megkateykxa nak.

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Proverbios 25:15

Kamasseksohok aplo wesse' m'a mampekhésamaxche nak chá'a ampaqhetchesek; kalekwomhok apwáxok ma'a ektaqmeleykha nak nempeywa anlána'.

Lamentaciones 2:19

Kaxnekxa néten, kalpáxamha axta'a, nágkalwátessem élpáxameykha; kaltennés ekyókxoho nápaqtók Wesse' egegkok ma'a ektémakxa nak, koho aqsa kaxog ektémól'a yegmen; kalya'ásses néten apmék yetlo ekwóneykha, kalmaxnésses yaqwayam elwetak apkelyennaqte m'a sakcha'a agkok, apkeletsapa nak ámay eñama meyke aptéyak.

1 Samuel 1:16

Nágkaxén aqsa apwáxok xeyep sektáha ko'o xama kelán'a ekmaso ektémakxa, wánxa aqsa ko'o sektáha nempeywa nélmaxnagko s'e yókxoho ekhem nak, éñamakxa m'a setnahakxa nak, xámók agko' sélya'asakxa exma, yentexók agko' han ektáhakxa élapwayam ewáxok.

1 Samuel 7:6

Apchaqnákxeyk axta israelitas ma'a Mispá, apkelyekweygkek axta han chá'a yegmen ma'a, keñe axta apkelyegkena apteméssesa apmésso naqsa m'a Wesse' egegkok. Cháxa ekhem metókagkaxa axta han aptéyak, apkelxénágkek axta han apkeláneykegko melya'assáxma nápaqtók Wesse' egegkok. Cha'a aptáhakxa axta han apkemha apmonye' apagkok israelitas ma'a Samuel, tén han apkelánésakxo apheykha m'a, cham'a Mispá.