1 Samuel 1:11 - Biblia Enxet

¹¹ Entáhak axta eyáneya s'e: “Wesse' egegkok ekha nak apyennaqte: Apkelanawók sa' agkok xeyep ektáhakxa eklegeykegkoho s'e apkeláneykha nak, ná hélwánaqma aqsa ko'o, hegkés sa' xama sakcha'a, ko'o sa' agkések yaqwayam etnehek apchásenneykha, megkólyaqténchesek sa' nahan apwa'. Sa' katnehek megkatnatchásamáxche xa ektáha kélteméssesso appagkanamap.” Naqsók xa sektáhakxa nak seyáneya.

1 Samuel 1:11 ပူးပေါင်းရင်းမြစ်များ

Génesis 28:20

Cha'a apmésakxa axta han appeywa Jacob Wesse' egegkok, aptáha s'e: “Aptemék sa' agkok sekxegexma Dios, tén han setaqmelchesa enxoho neyseksa sekxega, segkésa enxoho sekto, tén han sélántaxneykekxa apáwa,

Génesis 29:32

Lósók axta entáhak Lía, wet'ak axta étche, teméssessegkek axta apwesey Rubén, hakte axta entáhak se'e: “Apweteyak ko'o Wesse' egegkok ekyaqhápeykencha'a ewáxok. Sa' eyke seyásekhawo kaxwók ma'a etáwa'.”

Génesis 30:22

Xénwákxók axta han apwáxok Dios ma'a Raquel; apleg'ak axta élmaxnagko, keñe apmésa yaqwayam kótak étchek.

Génesis 8:1

Xénwákxok axta apwáxok Dios Noé, tén han ekyókxoho aqsok nawha'ák élántaxnamo xamók axta yántakpayhe, apcháphássek axta éxchahayam keso náxop, tén axta ekwéweynto yegmen.

2 Samuel 16:12

Lapmaxcheyk sa' heyáphássesek aqsok ektaqmela Wesse' egegkok apleg'a enxoho ektémakxa ekyentaxno ewáxok, ekyaqmagkasso m'a sélyemneykha sekleg'a nak sakhem.

Salmos 25:18

Elano ektémakxa nak ko'o seklegeykegkoho, tén han sekyampayo, ná eyaqmagkásekxa ektémakxa may'assáxma.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Proverbios 31:2

Hatte, seyásekhayo ahagko' nak, segkésso axta Dios eñama sélmaxnagko, ¿yaqsa eyeyméxko kaxwók atnehek wának xép?

Eclesiastés 5:4

Apxénchek agkok elanaksek aqsok Dios, elanés ekmanyehe, hakte etaqnawhok chá'a Dios ma'a énxet ekyeyháxma nak. Elána m'a aqsok apxeyenma nak elána',

Levítico 27:2

“Etne sa' elának israelitas se'e: Apmakók sa' agkok elwátéssesek chá'a apteme apkelánesso aqsok Dios pók xama énxet,

Números 21:2

Tén axta israelitas apteméssesa naqsók apkelpeywa apmésa Wesse' egegkok aptáha s'e: Empasmeyk sa' agkok yaqwayam agmok negko'o m'a apchókxa nak, agmasséssók sa' negko'o m'a apyókxoho tegma apkelyawe apagkok nak.

Números 6:11

Etnéssesek sa' nahan aqsok ektekyawa ekyaqmageykekxa magya'assáxma xama m'a apkelmaxnéssesso nak Dios énxet'ák apagkok, keñe sa' ma'a pók nak etnéssesek aqsok élwatnamáxche', elának sa' ma'a ektémakxa nak chá'a élánamáxche', yaqwayam etaksek megkólyaqmagkáseykekxa megkalya'assáxma eñama élpaknegweykmoho kélhápak. Kalpagkanchásekxak sa' makham áw'ák Wesse' egegkok xa ekhem nak,

Números 6:5

Yawanchek sa' nahan kalyaqtennagkok áw'ák, kohok sa' aqsa chá'a kalwegqak, ekwokmoho ekwagkasa néxa m'a élxeyenmakxa katnégwók néxa, kalpagkanchesaxchek sa' aqsa chá'a m'a Wesse' egegkok.

Números 6:8

Kalpagkanchesaxchek sa' aqsa chá'a Wesse' egegkok ekwokmoho élwagkasa néxa m'a élxeyenmakxa katnégwók néxa.

Jueces 11:30

Keñe axta Jefté apmésa appeywa m'a Wesse' egegkok: “Emallahanchessek sa' agkok nepyeseksa m'a amonitas,

Jueces 13:5

kótak sa' xama étche apkenna', megkalyaqténchesek sa' han apwa' xama enxoho, hakte epagkanchesakpok sa' Dios xa sakcha'a nak, yaqwayam etnehek nazareo amonye' aptéyam, yaqwayam sa' etnehek apkelwagkasso teyp israelitas, neyseksa apkelma m'a filisteos.”

1 Samuel 1:10

Keñe m'a Ana kelekxagweyha axta, yentexók agko' axta ektáhakxa awáxok, tén axta ektáha nempeywa nélmaxnagko ekpaqhetchesa Wesse' egegkok.

1 Samuel 1:12

Ahóxók agko' axta ekteme nempeywa nélmaxnagko Ana nápaqtók Wesse' egegkok, apkelánesawók axta átog ma'a Elí;

1 Samuel 1:19

Mók ekhem axta entáhak, axto'ók agko' la'a eknaqxétekhágko, natámen élpeykessamo Wesse' egegkok axta élmeyákxo m'a axanák ekpayho nak Ramá. Keñe axta Elcaná appathetágko makham ma'a aptáwa' Ana, axta kalwagqakmok Wesse' egegkok ektáhakxa axta aqsok élmaxneyeykha m'a.

1 Samuel 1:22

axta eyke kaxñak ma'a Ana, hakte axta entáhak eyáneya atáwa' s'e: —Maxñehek sa' ko'o ekwokmoho apyenyawa sa' apto neme s'e sakcha'a nak. Keñe sa' eyntemekxak yaqwayam agkések ma'a Wesse' egegkok, exnamhok sa' nahan ma'a.

1 Samuel 1:27

Élmaxnagkamchek axta ko'o Wesse' egegkok séltémo hegkések se'e sakcha'a nak, keñe segkéssama.

1 Samuel 1:28

Ekpagkanchessek eyke ko'o kaxwók ma'a Wesse' egegkok, etnehek sa' apkeláneykha neyseksa apha makham. Tén axta apháxahánto Elí ekwokmoho aptekxekwa'akto nápat xapop, nápaqtók ma'a Wesse' egegkok.

1 Samuel 2:20

Keñe axta Elí elmaxnéssesek chá'a aqsok éltaqmela m'a Elcaná yetlo aptáwa'. Axta etnehek chá'a s'e: “Wesse' egegkok sa' elmések étchek xa kelán'a nak, apyaqmageykekxa m'a ekmésso nak Wesse' egegkok.” Keñe axta kaltaqhohok chá'a m'a axanák.