1 Reyes 9:3 - Biblia Enxet

³ aptáhak axta apcháneya: “Eklegayak ko'o m'a apkelmaxnagko sélmaxnagko axta ko'o exchep, ekteméssessek han appagkanamap se'e tegma apkelane axta, yaqwayam katnehek ekyetnamakxa sekwesey meyke néxa'. Alanha sa' chá'a ko'o xa, malwátéssemek sa' ekxeyenma ewáxok.

1 Reyes 9:3 ပူးပေါင်းရင်းမြစ်များ

1 Reyes 8:29

Ná elwátessem apkeláneykha s'e tegma appagkanamap nak, ekhem tén han axta'a, apxeyenmakxa axta exchep katnehek ekxénamaxchexa apwesey. Yeyxho sélmaxnagko ko'o sektáha nak xép apkeláneykha.

2 Reyes 20:5

“Etaqhoho eltennássekxa makham Ezequías, apkemha apmonye' nak énxet'ák ahagkok: ‘Aptáhak Wesse' egegkok se'e, cham'a Dios apagkok nak ma'a apyáp nano' David: Ekleg'ak ko'o exchep apkelmaxnagko, ekwet'ak nahan ma'a apaqtégmenek. Eynnaqtéssók sa' makham, wokmek sa' agkok ántánxo ekhem, keñe sa' emyekxak makham ma'a Wesse' egegkok tegma appagkanamap apagkok.

2 Reyes 21:7

Appekkenchek axta han Wesse' egegkok tegma appagkanamap apagkok ma'a xama kéleykmássesso Aserá, apxeyenmakxa axta Wesse' egegkok apkeltennassama David, tén han apketche Salomón, aptéma apkenagkama s'e: “Cháxa tegma appagkanamap apyetna nak Jerusalén, sélyéseykencha'a nak nepyeseksa apyókxoho pók aptémakxa énxet'ák Israel, katnehek sa' ekyetnamakxa sekwesey meyke néxa'.

2 Crónicas 33:7

Appekkenchek axta han Dios tegma appagkanamap apagkok ma'a kéleykmássesso apkelane axta aqsok apcháyókxa, apxeyenmakxa axta Dios apkeltennassama David, tén han apketche Salomón, aptéma apkenagkama s'e: “Cháxa tegma appagkanamap apyetna nak Jerusalén, sélyéseykencha'a nak nepyeseksa apyókxoho pók aptémakxa énxet'ák Israel, katnehek sa' ekyetnamakxa sekwesey meyke néxa'.

2 Crónicas 6:40

“Dios ahagkok, ema sa' chá'a takha' ektamhomaxche nempeywa nélmaxnagko s'e yókxexma nak, yeyxho sa' chá'a.

Esdras 6:12

Emasséssók sa' Dios apkelyéseykha nak Jerusalén ekyetnamakxa nak apwesey m'a apyókxoho apkelwesse'e apkelwányam, essenhan ma'a pók aptémakxa énxet'ák apmáheyo nak chá'a etwasha m'a Wesse' egegkok tegma appagkanamap apagkok, apyetnama nak ma'a Jerusalén. Éltennássek ko'o xa séltamhókxa nak kóltéhek, ko'o Darío. Kóllána sa' ekyókxoho meyke kéláyam xama enxoho.”

Salmos 10:17

Wesse', yeyxhok chá'a exchep apkelmaxnagko m'a énxet'ák meyke nak élmasma, elwasqakkásekxohok chá'a, elanha nahan chá'a.

Salmos 116:1

Wásekhohok chá'a ko'o Wesse' egegkok, hakte apháxenmok chá'a sekwóneykha,

Salmos 34:17

Yeyxhok chá'a apkelmaxneyéyak Wesse' egegkok ma'a meyke nak apkeltémakxa, elmallahanchesek chá'a ekyókxoho m'a ekmaso apheykha.

Salmos 65:3

Ẽlmomchek negko'o m'a nentémakxa ekmaso, makke exchep eyaqmagkáseykekxak nentémakxa mólya'assáxma.

Salmos 66:19

¡ehaxnawók axta eyke, apmeyk axta han takha' sélmaxnagko!

Éxodo 20:11

Hakte weykmek axta apkelane Wesse' egegkok seis ekhem ma'a néten, tén han keso náxop, tén han ma'a wátsam ekwányam nak, tén han ma'a ekyókxoho aqsok ekhéyak nak ma'a kañe', tén axta apkellókasa apyampe m'a ekhem siete. Cháxa keñamak apteméssessama nak ektaqmalma Wesse' egegkok ma'a ekhem sábado, apteméssessek axta nahan ekhem ekpagkanamaxche'.

Éxodo 29:44

Apagkanek sa' nahan ko'o m'a kélpakxanma apchaqneykekxexa nak chá'a énxet'ák, tén han ma'a ekwatnamáxchexa nak chá'a aqsok, apagkanek sa' nahan ma'a Aarón tén han apketchek yaqwayam etnahagkok apkelmaxnéssesso énxet'ák ahagkok.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 7:10

keñe chá'a kólmeyenták se'e tegma appagkanamap sélpeykessamókxa nak chá'a ko'o, kólchaqnágwaták nahaqto'. Kólának chá'a méko katnehek kélheykha s'e; kólának chá'a kélwanchek kóllenxanmagkohok kéllánéyak xa aqsok sektaqnagkamo nak ko'o.

Daniel 9:23

Apchátegmowágkek axta Dios ma'a sekxók axta apkeynawo apkelmaxnagko. Ekwa'ak ko'o kaxwók yaqwayam ay'assásegwók xa aqsok nak, hakte awanhek xép apchásekhayo m'a Dios. Etaqmelchesho sa' apháxenmo ektáhakxa, yaqwayam sa' ey'asagkohok ektémakxa m'a aqsok apwete:

Números 16:38

Élpagkanamaxche táhak apxata nak chá'a aqsok ánek ekmátsa ekpaqneyam éten agkok xa énxet'ák nak, apkeletsapa nak eñama melya'assáxma, hakte kélmeykha axta chá'a yaqwayam kólnegkenwók nahaqtók ko'o m'a aqsok ánek ekmátsa nak ekpaqneyam éten agkok. Kólpeykásekxa sa' xa sawo nak yaqwayam sa' kólyepetchesek émpehek ma'a ekwatnamáxchexa nak aqsok, yaqwayam sa' katnehek ekxénweykekxoho chá'a apkelwáxok kéleysso m'a israelitas.”

Deuteronomio 11:12

Wesse' egegkok apagko' nahan aptaqmelchesso m'a xapop nak; yókxoho apyeyam nahan chá'a apkeláneykha m'a.

Deuteronomio 12:11

keñe sa' ma'a apkelyéságkaxa enxoho Dios Wesse' kélagkok yaqwánxa epekkenek ma'a apwesey, kólmések sa' chá'a kéxegke m'a ekyókxoho séltamho exchek kólmések: kélnaqtósso ektekyawa nak tén han ma'a élwatnamáxche nak eñama megkólwagqayam, tén han ma'a kélpekkenma nak chá'a ekwayam diez xama aqsok kélagkok kélwete eñama kéltamheykha, tén han ma'a aqsok kéláncheseykekxa nak chá'a kélnegkenma, tén han ma'a ekyókxoho mók aqsok kélyéseykha kélxeyenma nak chá'a kóllanaksek ma'a Wesse' egegkok.

Deuteronomio 12:21

Tayépek sa' agkok kélheykegkaxa kéxegke apkelyéságkaxa yaqwánxa epekkenek apwesey m'a Dios Wesse' kélagkok, kélwanchek sa' kólnápok chá'a weyke tén han nepkések apkelmésso nak chá'a Wesse' egegkok tén han kóltawagkok ekyókxoho kélmakókxa enxoho chá'a kóltawagkok ma'a kélheykegkaxa nak chá'a kéxegke, ekhawo m'a séltamho exchek ko'o kóltéhek.

Deuteronomio 12:5

Elyésha sa' eyke xama yókxexma Wesse' egegkok yaqwánxa katnehek ekyetnamakxa apwesey nepyeseksa m'a énxet'ák kélagkok nak. Sa' nahan chá'a kélwanchek kéxegke kólmeyekxak kólpeykeshok ma'a yókxexma nak.

Deuteronomio 16:11

Kóllának sa' kélessawassamo nápaqtók Dios Wesse' kélagkok ma'a apkelyéságkaxa sa' ekyetnamakxa m'a apwesey, yetlo m'a kélketchek tén han ma'a kélásenneykha naqsa nak, tén han yetlo m'a levitas, tén han ma'a énxet'ák apkeleñama nak mók apkelókxa, tén han ma'a élyeheykha nak tén han ma'a xentampe'e ekheykha nak ma'a kañe' kélheykegkaxa.