1 Reyes 7:51 - Biblia Enxet

⁵¹ Xama axta ekpenchásexko ekyókxoho nentamheykha apkeltémo axta kalanaxchek wesse' apwányam Salomón ma'a Wesse' egegkok tegma appagkanamap apagkok, apkelsókek axta Salomón ma'a aqsok kélmeykegkaxa nak sawo ekyátekto élmomnáwa, tén han sawo ekmope élmomnáwa, apkelpagkanchesso axta Wesse' egegkok ma'a David, apyáp axta, apxátawokmek axta m'a kélxátamakxa axta chá'a aqsok élmomnáwa m'a Wesse' egegkok tegma appagkanamap apagkok.

1 Reyes 7:51 ပူးပေါင်းရင်းမြစ်များ

1 Reyes 15:15

apxátaweykekxeyk axta ekyókxoho sawo élyátekto élmomnáwa tén han sawo élmope élmomnáwa m'a Wesse' egegkok tegma appagkanamap apagkok, apkelpagkanchesso axta chá'a Wesse' egegkok ma'a, tén han ma'a apyáp axta.

1 Reyes 6:14

Appenchessek axta Salomón apkelane m'a tegma appagkanamap.

1 Reyes 6:9

Xama axta appenchesa apkelane Salomón ma'a tegma, keñe apkelchexnágko éltegyésso, tén han yámet cedro kélqaháseykha nak kéleykmassáseykha.

2 Reyes 25:15

Apkelmeyk axta han apkelsákxo ekyókxoho aqsok élánamáxche axta sawo ekyátekto élmomnáwa m'a sẽlpextétamo apkemha apmonye', tén han ma'a sawo ekmope élmomnáwa: cham'a kélnegkenmakxa nak átex, tén han egheykok élyawe.

2 Crónicas 5:1

Xama axta ekpenchásexko ekyókxoho nentamheykha apkeltémo axta kalanaxchek Salomón ma'a Wesse' egegkok tegma appagkanamap apagkok, apkelsókek axta Salomón aqsok kélmeykegkaxa nak sawo ekyátekto élmomnáwa, tén han sawo ekmope élmomnáwa, apkelpagkanchesso axta Wesse' egegkok ma'a David, apyáp axta, apxátawokmek axta m'a kélxátamakxa axta chá'a aqsok élmomnáwa m'a Dios tegma appagkanamap apagkok.

2 Crónicas 8:15

Apkeláneykegkek axta ekyókxoho m'a wesse' apwányam David segánamakxa apagkok, apkelmésso axta m'a appasmo apkelmaxnéssesso Dios énxet'ák apagkok, tén han ma'a levitas, keñe han ma'a kélxátamakxa axta chá'a aqsok.

Esdras 6:15

Appenchásamákpek axta tegma appagkanamap ekhem tres, pelten apkeltamhomakpexa nak Adar, ekweykmo axta seis apyeyam apteme wesse' apwányam Darío m'a Persia.

Éxodo 40:33

Appenchessek axta aphaxtegkesso nepyáwa kélpakxanma appagkanamap ma'a Moisés tén han ma'a ekwatnamáxchexa nak chá'a aqsok, apmakheyáseyha axta nahan apáwa m'a átog nentaxnamakxa nak kélhaxta. Xama axta appenchesa aptamheykha apkelane kélpakxanma m'a Moisés,

Zacarías 4:9

“Apnegkenchásegkek apowhók ekyennaqtéssamakxa Zorobabel se'e exagkok nak. Sa' etnehek han appenchesso apkelane m'a.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.