1 Reyes 7:26 - Biblia Enxet

²⁶ Ocho centímetros axta ekyentaxno émpehek xa kélyátamakxa nak yegmen; kéleykmássessamók axta han pánaqte exnamok axagkok ma'a nekhaw'ék nak, cuarenta y cuatro mil litros axta awanchek kalának yegmen.

1 Reyes 7:26 ပူးပေါင်းရင်းမြစ်များ

1 Reyes 6:18

Yántéseksek cedro axta han kélyepetchesso m'a kañe' apwáxok nak tegma appagkanamap, yetlo kéleykmassáseykha chá'a pánaqte exnók tén han aqsok ekyexna. Cedro yámet axta m'a ekyókxoho nak. Axta agweteyk ketsék enxoho m'a meteymog.

1 Reyes 6:32

Yántéseksek olivo axta han ma'a ánet atña'ák nak, apkeleykmassáseyha axta han apho énxet ekha apxempenák, tén han áxa tén han pánaqte exnók; tén axta apkelyepetchesa sawo ekyátekto ekmomnáwa xa ekyókxoho kéleykmássesso nak.

1 Reyes 6:35

Apkeleykmassáseyha axta han apho énxet ekha apxempenák, áxa tén han pánaqte exnók, keñe axta apkelyepetchesa sawo ekyátekto ekmomnáwa égmenek xa kéleykmássesso nak.

1 Reyes 7:19

Xegkessek axta han chá'a dos metros apqatkok ekhéyak néten ma'a élámha nak nentaxnamakxa, pánaqte exnók kéleykmássesso axta han ma'a.

1 Reyes 7:25

Kélpekkenmeyk axta han néten ma'a doce weyke kelennay'awók kéleykmássesso nak sawo ekyexwase, ántánxo axta kelpayhémok ma'a nexcheyha, ántánxo axta han nepyeyam, ántánxo axta han ma'a ekpayho nak ekteyapmakxa ekhem, keñe han ántánxo m'a ekpayho nak taxnegwánxa ekhem. Kañe' axta kelpeheweykekxak ma'a ataqla amagkok nak, kéltahanchessegkek axta m'a kélyátamakxa nak yegmen.

1 Reyes 7:27

Apkelánéssek axta han diez ekyennaqtéssamakxa nak kóneg sawo ekyexwase, un metro ochenta centímetros axta chá'a ekwenaqte xama, tén han ma'a ekpayhakxa nak, keñe axta han un metro treinta y cinco centímetros ekmahéyak néten.

1 Reyes 7:38

Apkelanak axta han diez kélyátamakxa yegmen sawo ekyexwase. Un metro ochenta centímetros axta han chá'a xama, ekhémo nak chá'a kólyetmok ochocientos ochenta litros yegmen, kélnegkenágkek axta han ma'a néten nak diez awhók élyennaqtéssamakxa,

2 Crónicas 4:5

Ocho centímetros axta ekyentaxno émpehek xa kélyátamakxa nak yegmen; kéleykmássessamók axta han pánaqte exnamok axagkok ma'a nekhaw'ék nak, sesenta y seis mil litros axta awanchek kalának yegmen.

Éxodo 25:25

Elanés sa' nahan xama aphaxtegkesso m'a nekhaw'ék nak ekweykmoho siete centímetros ekpayhakxa, tén sa' epekkenchesek nahan ekpayhe étkok sawo ekyátekto ekmomnáwa m'a neyseksa nak.

Jeremías 52:21

Ketsék axta han yeykhágweykmohok chá'a ocho metros ekmahéyak néten ma'a xama nak meteymog élámha, keñe axta cinco metros náxet mók ma'a ekpayhakxa; ekyagqaxe awáxok axta nahan chá'a, siete centímetros axta nahan chá'a ekyawe nekhaw'ék ma'a sawo ekyexwase nak.

Ezequiel 45:11

Tásek sa' kaxhok nahan chá'a kelyetsáteyak, kélmeykha nak chá'a kólyetsetagkok aqsok aktek ma'a kélyetsáteyak nak chá'a m'a aqsok égmenek. Sa' katnehek chá'a kélmeykha kélhéssamo ekwánxa m'a homer doscientos veinte litros nak. Xama homer aqsok égmenek sa' chá'a kaxhok ma'a diez bato kélyetsáteyak, keñe sa' xama homer aqsok aktek kaxhok nahan ma'a diez efa.

Ezequiel 45:14

Ekhawo nahan ma'a pexmok égmenek kélwete nak chá'a eñama kéllane, kólyetnakhaksek sa' chá'a m'a ektáhakxa nak chá'a cien ekhémo mók, keñe sa' hélmések chá'a ko'o xama.