1 Reyes 6:9 - Biblia Enxet

⁹ Xama axta appenchesa apkelane Salomón ma'a tegma, keñe apkelchexnágko éltegyésso, tén han yámet cedro kélqaháseykha nak kéleykmassáseykha.

1 Reyes 6:9 ပူးပေါင်းရင်းမြစ်များ

1 Reyes 6:10

Apkelánegkek axta han tegma apketkók ma'a nepyáwa nak apyókxoho tegma, dos metros veinticinco centímetros axta han chá'a ekmahéyak néten, apkelatchessek axta chá'a kélhaxtegkesso nak tegma m'a yámet cedro éltegyésso.

1 Reyes 6:14

Appenchessek axta Salomón apkelane m'a tegma appagkanamap.

1 Reyes 6:38

keñe axta ekweykmo once apyeyam apteme wesse' apwányam Salomón, pelten kéltéma axta Bul, aptáhakxa axta ocho pelten ma'a apyeyam, appenchásekpo apyókxoho tegma appagkanamap, ekweykenxa axta ekxénamaxko epenchesakpok. Siete apyeyam axta weykmok apkelane m'a Salomón.

1 Reyes 6:8

Axta han yetnók átog tegma apyetno nak kóneg ma'a ekpayho nak apkelya'assamakxa m'a tegma; éltaqhahéyak axta han nenchántamakxa m'a néten ekmahéyak nak tegma apyetno neyseksa, keñe han ma'a netnók agko' nak.

1 Reyes 7:51

Xama axta ekpenchásexko ekyókxoho nentamheykha apkeltémo axta kalanaxchek wesse' apwányam Salomón ma'a Wesse' egegkok tegma appagkanamap apagkok, apkelsókek axta Salomón ma'a aqsok kélmeykegkaxa nak sawo ekyátekto élmomnáwa, tén han sawo ekmope élmomnáwa, apkelpagkanchesso axta Wesse' egegkok ma'a David, apyáp axta, apxátawokmek axta m'a kélxátamakxa axta chá'a aqsok élmomnáwa m'a Wesse' egegkok tegma appagkanamap apagkok.

1 Reyes 9:25

Ántánxo apkelwatno aqsok kélnaqtósso axta han chá'a etnehek Salomón xama apyeyam, tén han aqsok apkelnapma segwetassamo nak sẽlásekheykekxoho, cham'a néten nak ekwatnamáxchexa aqsok, apkelánesso axta Wesse' egegkok, ewatnek axta han chá'a aqsok ekmátsa nak ekpaqneyam éten agkok, nápaqtók ma'a Wesse' egegkok. Cháxa ektémakxa axta appenchásamákpo apkelánamap ma'a tegma appagkanamap.

Éxodo 40:33

Appenchessek axta aphaxtegkesso nepyáwa kélpakxanma appagkanamap ma'a Moisés tén han ma'a ekwatnamáxchexa nak chá'a aqsok, apmakheyáseyha axta nahan apáwa m'a átog nentaxnamakxa nak kélhaxta. Xama axta appenchesa aptamheykha apkelane kélpakxanma m'a Moisés,

Cantares 1:17

Yámet élyawe sa' katnehek éltegyésso m'a enxagkok, tén sa' yámet ciprés katnehek ekhéyak nempakxanma m'a néten.