1 Reyes 6:8 - Biblia Enxet

⁸ Axta han yetnók átog tegma apyetno nak kóneg ma'a ekpayho nak apkelya'assamakxa m'a tegma; éltaqhahéyak axta han nenchántamakxa m'a néten ekmahéyak nak tegma apyetno neyseksa, keñe han ma'a netnók agko' nak.

1 Reyes 6:8 ပူးပေါင်းရင်းမြစ်များ

1 Reyes 6:7

Meteymog kélpaxqáteykekxa axta han kélmeykha apkelánamákpo m'a tegma, keñe axta manlegaya xama enxoho tegma appagkanamap kéltekpagéyak ma'a sawo ekyentaxno, tén han ma'a mók kélmeykegkaxa nak chá'a kéltekpaga m'a sawo.

1 Reyes 6:9

Xama axta appenchesa apkelane Salomón ma'a tegma, keñe apkelchexnágko éltegyésso, tén han yámet cedro kélqaháseykha nak kéleykmassáseykha.

2 Crónicas 31:11

Axta keñamak Ezequías apkeltémo kóllanaksek ekheykegkaxa aqsok ma'a Wesse' egegkok nak tegma appagkanamap apagkok. Xama axta ekpenchásexko kéllánesso,

Jeremías 35:2

“Emyekxa sa' apheykegkaxa nak recabitas, elpaqhetches sa'. Enaqlakxa sa' xama apwáxok nak ma'a tegma appagkanamap, elmésák sa' vino.”

Ezequiel 42:6

Ántánxo apwáxok axta eykhe kéltemék xa tegma nak, méko axta eyke m'a élámha ektéma nak ma'a kañe' tegma nak, ketsék axta temégweykmok apwáxok tegma m'a néten nak, axta exnawok ma'a apwáxok neyseksa nak tén han ma'a kónego nak.