1 Reyes 6:3 - Biblia Enxet

³ Keñe axta m'a apwáxok nentaxnamakxa nak tegma ekwokmo nueve metros ekwenaqte, hawók axta m'a ekwánxa axta appayhakxa tegma, keñe axta cuatro metros y medio appayhakxa m'a apmonye' nak tegma.

1 Reyes 6:3 ပူးပေါင်းရင်းမြစ်များ

1 Reyes 6:2

Veintisiete metros axta apwenaqte tegma apkelánesso axta Wesse' egegkok ma'a Salomón, nueve metros axta appayhakxa', keñe trece metros y medio m'a apmahéyak néten.

1 Reyes 6:4

Apkelánessegkek axta han Salomón tegma átog étkók sawo élyagqáxeykha.

1 Reyes 7:12

Ántánxo éleweykekxa meteymog axta han ma'a neyáwa nak kélhaxtegkesso ekyawakxa nak, tén axta han xama éléweykekxa éltegyésso yámet cedro, hawók axta m'a ektémakxa nak kañe' tegma apwáxok ekyetno nak tegma, tén han ma'a nentaxnamakxa nak Wesse' egegkok tegma appagkanamap apagkok.

1 Reyes 7:21

Apkelánchessek axta han Hiram nentaxnamakxa nak tegma appagkanamap xa élámha nak. Xama axta apkelánchesa chá'a m'a yaqwánxa etnegkesek, Jaquín axta han aptemessásak ekwesey m'a émha nak ekpayho nélya'assamakxa, keñe axta Bóaz ma'a émha nak nepsagqalwa.

1 Crónicas 28:11

Tén axta David apmésa apketche Salomón apwánxa appayhakxa yaqwayam elának apwáxok kélhaxtegkesso m'a nentaxnamakxa nak tegma appagkanamap, tén han ma'a tegma kélxátamakxa nak chá'a aqsok, keñe han ma'a kañe' netno' nak, tén han ma'a kañe' apwáxok, tén han ma'a Ekpagkanamaxchexa agko' nak.

Ezequiel 40:48

Éntamákxeyk axta émha amonye' apwáxok nak tegma appagkanamap ma'a énxet nak, apkelyetsátegkek axta m'a meteymog élámha agkok nak ma'a émha amonye' apwáxok tegma: ánet metros náxet mók axta nahan chá'a ekyawe xama m'a. Keñe axta siete metros ekpayhakxa m'a átog nak, tén axta m'a élmeykegkaxa nak chá'a átog ma'a émha amonye' apwáxok nak tegma, ekwokmo chá'a xama metro náxet mók xama m'a ekpayhakxa.

Ezequiel 41:15

Tén axta apkelyetsátegko m'a apwegqakxa nak tegma apyawe teyp nak ma'a tegma appagkanamap, ekpayho nak kélápeykekxexa kélhaxta m'a apwáxok tegma, ekweykekxoho m'a meteymog kélhaxta nak chá'a nepyáwa m'a xama nápakha, cincuenta metros axta nahan chá'a m'a. Kélsawheyáseykekxók axta nahan kélyepetchessama yántéseksa'ák ma'a