1 Reyes 5:8 - Biblia Enxet

⁸ Keñe axta Hiram apkeltamho kóltéhek kóltennássekxak ma'a Salomón: “Ekxawágwakteyk ko'o appeywa seyaphássesso exchep, alának sa' ma'a apkeltamho nak ayaqténchesek yámet cedro, tén han ma'a yámet pino.

1 Reyes 5:8 ပူးပေါင်းရင်းမြစ်များ

2 Samuel 6:5

Keñe m'a David tén han apyókxoho énxet'ák nak Israel, apkelxegkek axta m'a apmonye' nak Dios, axta eleyságkohok apkelmeneykmasa tén han apneyweygko, yetlo apkelpáwasso m'a arpa, yát'axpog, aqsok nélaqtáwassól'a, tén han nélchekto, tén han ma'a apkelaqkahasso nak.

1 Reyes 5:7

Xama axta apleg'a Hiram ektáhakxa appeywa apcháphasso m'a Salomón, payhékxók agko' axta apwáxok, keñe aptáha s'e: “¡Tásek sa' chá'a katnehek apxénamap Wesse' egegkok se'e ekhem nak, hakte apméssegkek David xama apketche apya'áseykegkoho aqsok, yaqwayam elanha s'e énxet'ák apxámokma apagko' nak!”

1 Reyes 5:9

Séláneykha sa' elántekkesek éleñama m'a Líbano, ekweykekxoho m'a wátsam ekwányam, sa' wának kalpátawók yántakpayhe m'a séltennasakxa enxoho ekpayhókxa. Sa' kólyenyekxak yántakpayhe m'a, keñe sa' xép yánchásekxak ma'a yámet. Keñe sa' xép elának ma'a sekmámenyého nak ko'o, hélmések nento yaqwayam elsakxak ma'a exagkok apyawe nak.”

1 Reyes 6:15

Aphaxtegkessek axta apwáxok tegma nápakhaw'ék ma'a yántéseksek cedro. Apsawheyásekxók axta yántéseksek ma'a néten nak ekweyktámho kóneg, apnegkenágkek axta han yántéseksek pino m'a apwáxok nak náxop.

1 Reyes 6:34

Yántéseksek pino axta han ma'a átog nak, kalyeyhohok axta han ma'a kélmeykesa enxoho chá'a.

2 Crónicas 2:16

Ólyaqtennek sa' negko'o Líbano m'a ekyókxoho yámet, apkepmenyéxa enxoho, yántakpayhe sa' anxatmok ólsakxések ampékeshok wátsam ekwányam, ekweykekxoho m'a Jope. Keñe sa' xép elsakxak ekweykekxoho m'a Jerusalén.”

2 Crónicas 3:5

apkelyepetchessek axta han yántéseksek pino m'a apwáxok neyseksa nak tegma, tén axta apkelyepetchásekxo han ma'a sawo ekyátekto ekmomnáwa ektaqmalma, apkeleykmassáseykha axta han áxa m'a, tén han cadenas kéleykmássesso,