1 Reyes 5:3 - Biblia Enxet

³ “Apya'ásegkok xeyep ma'a David, táta axta ko'o, mopwanchek axta apmáheyo elanaksek xama tegma Dios Wesse' apagkok, eñama eyáhapwe kempakhakma, tén han ekwokmoho apmésa yaqwayam elmok Wesse' egegkok ma'a apkelenmexma.

1 Reyes 5:3 ပူးပေါင်းရင်းမြစ်များ

1 Reyes 8:19

háwe sa' eyke exchep yaqwayam elána', sa' eyke m'a apketche peya nak éta'. Sa' hélanaksek ko'o tegma appagkanamap ma'a.’

1 Crónicas 22:8

Axta eyke aptemék seyánagkama Wesse' egegkok se'e: ‘Ekweteyak ko'o exchep apyegkenchesso chá'a éma apagkok pók, xámok han apkelane chá'a m'a kempakhakma; cháxa keñamak maltamho nak ko'o hélanaksek xép xama tegma appagkanamap.

1 Crónicas 28:2

Apkempákxeyk axta néten David aptáha appaqmeta s'e: “Kóleyxho sekpeywa, énámakkok tén han énxet'ák ahagkok: Xeyenmeyk axta ko'o ewáxok alanaksek xama tegma yaqweykenxa keytek meyke néxa m'a yántéseksek ekhémo mók nélpaqhetchásamáxkoho Wesse' egegkok, yaqwayam enxoho etnehek aphamakxa m'a Dios egagkok nak, ekpenchessegkek axta han séláneykekxa yaqwayam elanakpok.

1 Crónicas 28:3

Axta eyke aptemék seyánagkama Dios se'e: ‘Háwe exchep yaqwayam etnehek sélánésso xama tegma, hakte kempakhakma yáp xép, apxámok énxet apkelnapma.’

2 Crónicas 9:4

keñe han nento élmátsa ekhéyak ma'a néten mésa apagkok, tén han ma'a apheykegkaxa axta chá'a sẽlpextétamo apkelwesse'e apagkok, keñe han ektémakxa éltaqmalma apyempe'ék tén han apkelnaqta m'a apkeláneykha, keñe han ektémakxa chá'a apkelmeyeykekxa m'a tegma appagkanamap, wanmakkek axta élanawo,

Nehemías 5:17

Exmakha chá'a ciento cincuenta énxet sektawakxa sekto, cham'a judíos nak, tén han ma'a wesse' apwányam apkeláneykha, meyke kélyetsáteykekxa m'a senteme nak meyk'a, apkeleñama nak neyáwa' negheykegkaxa.

Nehemías 5:18

Ko'o ahagko' han chá'a sélnapma m'a weyke, seis nepkések apnaqmele, tén han tat'a, cham'a ekhánamáxche nak chá'a yókxoho ekhem; diez ekhem han chá'a kawaták ekyawe agko' ma'a vino. Makke ko'o altémók chá'a axkak ma'a sepayhémo nak sekteme séláneykha apchókxa, hakte awanhek chá'a katnehek ekyentaxnéssesso apheykha énxet'ák.

Salmos 110:1

Aptáhak Wesse' egegkok apcháneya wesse' ahagkok se'e: “Exa ekpayhókxa nak sélya'assamakxa', ekwokmoho seknegkenchesa kóneg apmagkok ma'a apkelenmexma nak.”

Salmos 8:6

apméssegkek xép yaqwayam etnehek wesse' agkok ekyókxoho apkelane axta exchep, apteméssessegkek apteme néten ma'a ekyókxoho aqsok nak:

Malaquías 4:3

Cháxa ekhem sekpagkanma nak ko'o, máxa yagkamex sa' kólteméssesek kéxegke kólteyammaha m'a élmasagcha'a nak apkeltémakxa'.

Deuteronomio 14:5

xenaq, yátapopyet, laneyp, popyet apkelleykha nak naxma, tén han ma'a pók aptémakxa nak chá'a m'a yátapopyet apkelyawe nak.

Josué 10:24

Kélnaqlánteyk axta aphakxa Josué keñe apkeláneyáncha'a apyókxoho énxet'ák Israel, aptáhak axta han apkeláneya m'a sẽlpextétamo apkelámha apmonye'e ektáha nak apkelxegexma: “Kólyepetchegwatámho, kólteyágkas sa' chá'a apyespok xa apkelwesse'e nak.” Apkelyahákxók axta han xa énxet'ák nak,