1 Reyes 5:1 - Biblia Enxet

¹ Xama axta apleg'a amya'a Hiram, wesse' apwányam nak Tiro, kélteméssesa wesse' apwányam Salomón, apyaqmagkasso m'a David, apyáp axta, apkeláphássek axta apkeláneykha, hakte apchásekhayók axta chá'a Hiram ma'a David.

1 Reyes 5:1 ပူးပေါင်းရင်းမြစ်များ

Génesis 15:18

Cháxa ekhem apkelanakxa axta han ekhémo mók apkelpaqhetchásamákpoho Wesse' egegkok ma'a Abram. Aptáhak axta apcháneya s'e: —Agkések sa' ko'o aptawán'ák neptámen se'e xapop nak, eyeynamo m'a wátsam nak Egipto, ekweykekxoho m'a wátsam ekyawe nak Éufrates,

2 Samuel 5:11

Axta keñamak Hiram, wesse' apwányam nak Tiro, apkeláphassama apkeláneykha aphakxa David, tén han ma'a apkeláneyak nak yántéseksek, meteymog apkelpáxqatma, apkelsákxéssama axta m'a yámet cedro, keñe apkelánéssama apxagkok apyawe m'a David.

2 Samuel 8:10

keñe axta apcháphassama m'a apketche apwesey axta Joram yetlo aqsok élmomnáwa, élánamáxche nak sawo ekmope ekmomnáwa, tén han sawo ekyátekto ekmomnáwa, tén han sawo ekyexwase, yaqwayam egkések ekxeyenma apwáxok elsawásseshok ma'a wesse' apwányam David, eñama apkelnápomap ma'a Hadad-ézer tén han apyaqmassama, hakte apkempakhayak axta han Toi ma'a Hadad-ézer.

1 Reyes 10:25

apyókxoho axta han chá'a elsakxések aqsok apkelmésso naqsa yókxoho apyeyam: cham'a aqsok étkók élánamáxche nak sawo ekmope élmomnáwa, tén han sawo ekyátekto élmomnáwa, negaqlamaxche', nélmeykha neganchesso kempakhakma, aqsok élmátsa nak élpaqneyam, yátnáxeg tén han élyeheykok.

1 Reyes 5:10

Keñe axta Hiram apkelmésa Salomón ma'a ekyókxoho yámet cedro, tén han yámet pino, apmopmenyého axta,

1 Reyes 5:13

Keñe axta wesse' apwányam Salomón apméssama ekyentaxno apkeltamheykha m'a Israel, treinta mil énxet axta han apchánchesákxa',

1 Crónicas 14:1

Apkeláphássek axta apseykha amya'a aphakxa David ma'a Hiram, wesse' apwányam nak yókxexma Tiro, keñe han apkeláneyak tegma, tén han ma'a yántéseksek apkeláneyak nak, apkelsókók axta yántéseksek ekwesey nak cedro yaqwayam elanaksek apxagkok apyawe aptaqmalma.

2 Crónicas 17:11

Weykmók axta apkelsókáseyam aqsok apkelmésso naqsa m'a nápakha filisteos, tén han sawo ekmope élmomnáwa yaqwayam elmések ma'a Josafat, keñe axta énxet'ák árabes apnaqlókassama siete mil setecientos nepkések apkelennay'a, tén han yát'ay apkelennay'awo'.

2 Crónicas 2:3

Keñe axta apkeltamho kóltéhek kóltennássekxak Salomón ma'a Hiram, wesse' apwányam nak Tiro: “Hetnésses sa' ko'óxa m'a apteméssessamakxa axta táta David, apkeláphássessama axta chá'a m'a yámet cedro yaqwayam elának xama tegma apyawe yaqwayam exek chá'a.

2 Crónicas 9:26

Néten agko' axta aptemék Salomón nepyeseksa m'a apyókxoho apkelwesse'e apkelwányam, apheykencha'a axta m'a eyeynmo nak wátsam Éufrates, ekweykekxoho m'a filisteos apchókxa', keñe han ma'a néxa xapop nak Egipto.

Esdras 4:20

wetáxcheyk axta han apheykencha'a apkelwesse'e apkelyennaqte m'a Jerusalén, apkeláneykencha'a axta m'a yókxexma ekpayho nak ektaxnegwánxa ekhem ma'a wátsam Éufrates, kélméssama axta chá'a ekyánmaga ektémakxa nak élmomaxche selyaqye.

Salmos 45:12

Peyk elsókasegmak xeye' aqsok apkelmésso naqsa m'a énxet'ák Tiro, cham'a apkelwesse'e apancha'awo nak yaqwayam kataqmalmakha awáxok kalano'.

Salmos 72:8

¡Kawomhok sa' apkeláneykha m'a halep wátsam ekwányam ekweykekxoho m'a teyp nak wátsam ekwányam, eyeynamo m'a wátsam Éufrates, ekweykmoho m'a ektemegwánxa nak néxa xapop, keso nélwanmeygkaxa'!

Salmos 80:12

¿Yaqsa ektéma apyaqnegkessessama nak kélhaxtegkesso apchahayo chá'a apnakxama m'a appéwomo nak chá'a m'a nekha nak?

Éxodo 34:24

Alántekkesek sa' ko'o kélnepyeseksa kéxegke m'a pók aptémakxa nak chá'a énxet, ayánchessesagkok sa' nahan ma'a xapop kélagkok nak. Keñe sa' méko kaltemegwók aqsa chá'a xapop agkok neyseksa kélmáheyo kóltéhek chá'a ántánxo kélmeyeykekxa xama apyeyam ma'a sekhakxa nak ko'o, sektáha nak Dios Wesse' kélagkok.

Isaías 23:1

Tiro ekxénamaxche yaqwánxa kólteméssesek. Kelxegáha apnenya'ák apkellekxagweyncha'a m'a apkelchánte nak chá'a yántakpayhe éleñama nak Tarsis, hakte kéltawáseyha m'a apnegkenweykekxexa nak chá'a yántakpayhe apagkok. Axta nahan apkellegágwakxohok amya'a kéltawassáseyncha'a m'a sekxók apkelchexyekmo axta apkelenyékto m'a Chipre.

Ezequiel 19:11

Kelyennaqtegkek axta nahan ma'a aktegák nak, kélláneykegkek axta m'a yámet apkelmeykegkól'a chá'a m'a kelwesse'e apkelwányam, kelwegqeykegkók agko' axta nahan, kelweykmók axta m'a yaphope nak. Makhawók axta agwethok katnamok eñama ekwenaqte tén han ekxámokma áwa'.

Amós 1:9

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Tiro, megkatnehek sa' mallegassáseykegkoho; hakte apkelméssegkek énxet'ák apkelma m'a énxet'ák Edom, cham'a apyókxoho énxet'ák aphéssamo axta mók apkelpaqhetchásamákpoho m'a apnámakkok.

Números 24:7

Awanhek sa' katnehek yegmen ma'a Israel yaqwayam énagkok énxet'ák, tén han yaqwayam elexpaqhagkok ma'a aqsok apkeneykekxa. Néten sa' etnehek ma'a wesse' apwányam apagkok, mexók sa' ma'a Agag; kasawhekxohok sa' apteme wesse' apwányam.

Deuteronomio 20:11

Leyawók sa' agkok apkelwáxok kéltáhakxa kéláneya m'a énxet'ák apheykha nak ma'a tegma apwányam, apmésa enxoho yaqwayam kólántexek, kélásenneykha naqsa sa' kóltéhek kéxegke m'a, kólának sa' eltemeykha meyke aptaqhessamo kélpeywa.

1 Samuel 10:27

Yetneyk axta eyke han chá'a énxet eyesagkeykha nak chá'a apkelpeywa. Aptáhak axta apkelpaqmeta s'e: “¿Keya yaqwayam etnehek sẽlwagkasso teyp xa?” Apwanyeyha axta, axta han elsántegkásak chá'a aqsok apkelmésso naqsa; máxa manleg'a axta eyke aptáhak ma'a Saúl.