1 Reyes 4:30 - Biblia Enxet

³⁰ apyeykhásseykmók axta ektémakxa apya'áseyak aqsok Salomón ma'a énxet'ák Egipto, tén han ma'a apheykha nak ekteyapmakxa ekhem.

1 Reyes 4:30 ပူးပေါင်းရင်းမြစ်များ

Génesis 25:6

Aqsok apkelmésso naqsa axta aqsa apkelmeyáseykegkok Abraham ma'a mók apnaqteyegka'a étchek nak, apyetnakhassegkek axta eyke apketche Isaac, apyennaqtamakxa axta makham, apcháphassama m'a yókxexma ekteyapmakxa ekhem.

Génesis 29:1

Apxegákxeyk axta makham Jacob apmahágko m'a apheykegkaxa nak énxet'ák teyapmakxa ekhem.

1 Reyes 10:23

Xámok agko' axta aqsok apagkok ma'a wesse' apwányam Salomón, awanhek axta han ektémakxa apya'áseykegkoho aqsok, apyeykhásseykmók axta m'a apyókxoho apkelwesse'e apkelwányam nak keso náxop.

Job 1:3

siete mil axta apyókxoho apnaqtósso nepkések, tres mil yányátnáxeg, mil axta weyke kéltéteykekxa mók, tén han quinientos yámelyeheykok kelwán'ák. Apxámok apagko' axta han apkelásenneykha naqsa. Apyeykhásseykmók axta ekxámokma aqsok apagkok ma'a apyókxoho énxet'ák apheykha axta m'a ekpayho nak ekteyapmakxa ekhem.

Eclesiastés 1:16

Keñe axta ektáha ekpaqméteyncha'a ewáxok se'e: “Ektemék ko'o kaxwók énxet ekha kélyaheykekxoho, ekyeykhásseykmók sekya'áseyak aqsok ma'a apmonye'e apteme axta apkelwesse'e m'a Jerusalén; ekméssamók ahagko' ewáxok ma'a negya'ásegwayam nak, tén han ma'a negya'áseykegkoho nak aqsok, weykmók sekya'áseyak aqsok ekyeyháxma, keñe nak sekyekpelchágwokmo, cháxa ekhawo han ma'a negmáheyól'a agmagkok éxchahayam.”

Ezequiel 25:4

Cháxa keñamak sekmako nak ko'o almések kéxegke yaqwayam elmok ma'a énxet'ák apheykha nak teyapmakxa ekhem, yaqwayam sa' etnehek apagkok ma'a xapop kélagkok nak tén han elpakxenagkok ma'a, tén han elánegwak apheykegkaxa m'a. Etawagkok sa' aqsok ekyexna kélcheneykekxa nak kéxegke m'a, énagkok sa' nahan ma'a weyke nagkeygmenek kélagkok nak.

Daniel 1:20

Apwet'ak axta han wesse' apwányam ekyeykhágwokmoho agko' apkelya'áseyak aqsok ma'a apyókxoho ekha nak apkelmopwancha'a, tén han ma'a apkelya'áseykegkoho nak aqsok ekpowásamáxche', apheykha axta m'a aptémakxa nak wesse' apwányam, hakte apkelya'ásegweykmek axta ekyókxoho m'a eyeyméxchexa nak agya'ásegwók, tén han negmowána aqsok.

Daniel 4:7

Apkelwa'ak axta m'a apyókxoho apkelyohóxma nak Babilonia, tén han apkelya'áseykegkoho nak chá'a aqsok ekpowásamáxche, ekha nak apkelmopwancha'a, tén han apwetayo nak chá'a aqsok yaqwánxa katnehek, éltennássek axta ko'o m'a sekwanmagko, axta eyke héltennásak ektémakxa, hakte axta elya'ásegkok.

Jueces 6:33

Tén axta apyókxoho madianitas tén han amalecitas, tén han ma'a énxet'ák apheykha axta teyapmakxa ekhem apyepetchákxo pók, apkeltámeyákxeyk axta m'a wátsam Jordán, apkelpakxenwokmek axta m'a ekyapwátegweykenxa nak xapop Jezreel.