1 Reyes 4:20 - Biblia Enxet

²⁰ Apxámok apagko' axta m'a énxet'ák Judá tén han Israel, aphawók axta m'a xapop ánek ekhéyak nak neyáwa wátsam ekwányam. Yetnegkek axta han ekxámokma nento, tén han negyá, yetnegkek axta m'a ekpayheykekxa egwáxok.

1 Reyes 4:20 ပူးပေါင်းရင်းမြစ်များ

Génesis 13:16

Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Génesis 15:5

Keñe axta Wesse' egegkok aptekkesa yókxexma Abram. Aptáhak axta apcháneya s'e: —Yenmexho sa' néten, elyetset sa' yaw'a, apkepwagko enxoho elyetsetek. Sa' exhok apxámokma exchep aptawán'ák neptámen xa.

Génesis 22:17

peya almések aqsok éltaqmela. Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, tén han yagkamex ma'a neyáwa' wátsam ekwányam. Emallánek sa' han chá'a nepyeseksa apkelenmexma,

Génesis 32:12

Apxeyenmeyk axta exchep hetaqmelchessesek sekweynchámeykha, tén han exámekxak ma'a étawán'ák netámen, ekweykenxal'a ekxámokma xapop ánek ma'a neyáwa wátsam ekwányam, magmowána nak ólyetsetek.”

1 Reyes 3:8

Ektemék eyke ko'o kaxwók sémha emonye' nepyeseksa m'a ektáha axta exchep apkelyéseykha: cham'a énxet'ák apxámokma apagko' nak, magmowána nak ólyetsetek apwánxa.

1 Reyes 4:29

Apméssegkek axta Dios ekyawe agko' apya'áseyak aqsok ma'a Salomón tén han apmopwána, tén han apya'áseykegkoho ekyawe agko', ekweykenxal'a xapop ánek ekhéyak nak neyáwa wátsam ekwányam,

1 Reyes 5:9

Séláneykha sa' elántekkesek éleñama m'a Líbano, ekweykekxoho m'a wátsam ekwányam, sa' wának kalpátawók yántakpayhe m'a séltennasakxa enxoho ekpayhókxa. Sa' kólyenyekxak yántakpayhe m'a, keñe sa' xép yánchásekxak ma'a yámet. Keñe sa' xép elának ma'a sekmámenyého nak ko'o, hélmések nento yaqwayam elsakxak ma'a exagkok apyawe nak.”

2 Reyes 18:31

nágkólyahakxa aqsa. Eyáphássek xeyk ko'o wesse' apwányam Asiria altennássak kéxegke yaqwayam enxoho kólyepetchekxa', tén han kólmésaxche aqsa, keñe sa' kélxama kélwanchek chá'a kóltawagkok ma'a anmen yámet ekyexna eñama nak ma'a neyseksa anmen yámet kélcheneykekxa, tén han ma'a higo yámet, kólyenagkok sa' nahan yegmen ma'a yámelchet kélagkok kélagko' nak.

1 Crónicas 12:39

Ántánxo ekhem axta han apheykha xamo' David ma'a, apteykegkek axta aptéyak tén han apyeneykegko apyenéyak, hakte apkelsókaseykha axta m'a appeywomo xamo' nak.

1 Crónicas 22:9

Étak sa' eyke exchep xama apketche meyke eklo apwáxok; tén sa' nahan ko'o wának kataqmelhok apheykha m'a katnaha nak apnámakkok apheykha nak ekyókxoho yókxexma. Cháxa keñamak peya nak kólteméssesek apwesey Salomón. Tásek sa' katnehek apheykha énxet'ák Israel neyseksa apha m'a.

Job 1:18

Axta han epenchásawok appeywa xa énxet nak, apwákxo makham pók, tén axta aptáha apcháneya s'e: —Apkelánegkek axta ektámáxche ekyawe m'a apketchek apkelennay'a tén han kelwán'ák ma'a apketche átnaha apketkok nak apxagkok,

Proverbios 14:28

Ekyawe apcheymákpoho etnehek wesse' apwányam ma'a apxámokma nak énxet'ák apagkok; mékoho eyke etnehek wesse' apwányam ma'a apqántawók enxoho énxet'ák apagkok.

Eclesiastés 2:24

Eyke ektaqmela etnehek énxet se'e: etwok apto, tén han ének apyá, kapeykessásekxak apwáxok ma'a aptekkesso nak chá'a aptamheykha, hakte ekweteyak ko'o ektáha eñama Dios xa.

Isaías 22:13

Xénchek axta eyke aqsa kélwáxok kéxegke kólneywagkok tén han kalpayhekxak kélwáxok, kólnápok ma'a weyke tén han nepkések, kóltawagkok ma'a ápetek, kólyenagkok nahan ma'a vino. “Antawagkok, agyenagkok, hakte saka sa' óletsapok” —axta kéltáhak.

Miqueas 4:4

Apyókxoho énxet'ák sa' exmakha meyke apkelaye, exmakha sa' ellókasek apkelyampe kóneg anmen yámet pessesse agkok, tén han kóneg higo yámet. ¡Wesse' egegkok ekha apyennaqte appeywa xa!

Zacarías 3:10

Wokmek sa' agkok xa ekhem nak, kélwanchek sa' chá'a kéxegke kóláneyha kélnámakkok yetlo meyke ektáhakxa kélwáxok kólhakha m'a kóneg pessesse agkok nak anmen yámet kélcheneykekxa tén han ma'a higo yámet. Ko'o sekxeyenma xa, sektáha nak Wesse' ekha sekyennaqte.’”

Zacarías 9:15

Elmeyók sa' Wesse' ekha nak apyennaqte m'a ektáha nak chá'a apagkok. Sa' elteyagkásekxak han chá'a meteymog apagkok apkelmeykha nak chá'a mélwakto xa énxet'ák nak. Sa' emasséssók han ekmanyehe agko' ma'a apkelenmexma nak; máxa vino negyà sa' etnéssesek énagkok ma'a éma apagkok, máxa egheykok éllánéyak la'a aqsok égmenek sa' etnahagkok kallanagkok apwokma'ák. Máxa sa' etnahagkok ma'a ektémól'a kólexpaqheykha nekhaw'ék élmahamtakcha'a m'a ekwatnamáxchexa nak chá'a aqsok.

1 Samuel 30:16

Yetlókok axta han apyentama m'a aphágkaxa axta apkelmenyexma, apsawheykxók axta han exma apkexpaqneykha m'a, aptókagkek axta aptéyak, apyenágkek han apyenéyak, apkelsawassásawók axta m'a ekyókxoho aqsok apkelmenyexéyak axta éleñama m'a filisteo apchókxa', keñe han ma'a Judá.