1 Reyes 3:9 - Biblia Enxet

⁹ Hegkés ko'o ekya'áseykegkoho ewáxok yaqwayam alanha m'a énxet'ák apagkok, yaqwayam enxoho eykpelkohok ma'a ektaqmela tén han ma'a ekmaso nak; ¡hakte méko awanchek kaltaqmelchesek se'e énxet'ák apagkok apxámokma nak!”

1 Reyes 3:9 ပူးပေါင်းရင်းမြစ်များ

2 Samuel 14:17

Élhaxneyk ko'o kamasseksek ektamheykha ewáxok appeywa nak xép, wesse', hakte apwanchek xép etnéssesek megkaxnémo mók ma'a aqsok ektaqmela nak, tén han aqsok ekmaso, aptéma nak ma'a Dios apchásenneykha. ¡Dios, Wesse' apagkok sa' epasmok xép, wesse'!

1 Reyes 10:24

Apyókxoho énxet'ák axta apmenyeyk chá'a éta', tén han yeyxhok ma'a ektémakxa nak apya'áseykegkoho aqsok, eñama apmésso m'a Dios,

1 Reyes 3:10

Leyawók axta apwáxok Wesse' egegkok ektáhakxa aqsok apkelmaxneyeykha m'a Salomón,

1 Reyes 3:28

Apyókxoho énxet'ák Israel axta apkellegeyk ektémakxa apyekpelchémo wesse' apwányam, apkeltémókxa kólteméssesek, keñe axta aptéma apcháyo, hakte apkelweteyak axta ektémakxa Dios apméssama apya'áseykegkoho aqsok yaqwayam elánekxések amya'a énxet'ák.

1 Crónicas 22:12

Wesse' egegkok sa' egkések apya'áseykegkoho tén han apmopwána elának aqsok, cham'a apteméssesa sa' wesse' apwányam ma'a Israel, elyahakxoho sa' ekyókxoho m'a segánamakxa apagkok nak ma'a Dios Wesse' apagkok.

1 Crónicas 29:19

Egkés sa' han hatte Salomón eyáxñeyo apwáxok yaqwayam enxoho elyahakxohok ma'a apkeltémókxa nak antéhek xép, tén han ekyókxoho m'a aptémakxa nak chá'a apkenagkama exchep, yaqwayam sa' yepwának elának ma'a tegma appagkanamap sekpenchessamo nak ko'o séláneykekxa ekyókxoho aqsok.”

2 Crónicas 1:10

Hegkés sekya'áseyak tén han sekyekpelchémo yaqwayam altaqmelchesek ko'o s'e énxet'ák nak; hakte agkok ko'o hegkeyásak xa, ¡mowanchek alanha ko'o s'e énxet'ák apagkok apxámokma nak!”

Salmos 119:144

Megkatnégwomek chá'a néxa ekteme élpéwomo m'a apchánamakxa nak antéhek; ¡hegkés sekya'áseyak, keñe sa' aweynchamha makham!

Salmos 119:34

Hegkés ko'o sekya'áseyak, yaqwayam alának ma'a nélxekmowásamáxche apagkok nak; ¡émenyeyk ko'o alyahakxoho', ekweykmoho kañók agko' ewáxok!

Salmos 119:73

Xép apagko' axta sélane, tén han apkelane sekyókxa'; ¡hegkés ko'o sekya'áseyak aqsok, yaqwayam sa' héltamek ma'a apkeltémókxa nak xép antéhek!

Proverbios 14:8

Keykpelchásseshok chá'a aptémakxa énxet apya'áseykegkoho nak chá'a aqsok ma'a negya'áseykegkoho nak aqsok, keñe m'a énxet ekyeyháxma nak, kalyexanchesha chá'a m'a aptémakxa nak ekyeyháxma.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 20:12

Wesse' egegkok axta apkelane s'e egheyk'ák nak, yaqwayam anlegak chá'a amya'a, tén han egaqta'ák yaqwayam agwetak chá'a aqsok.

Eclesiastés 7:11

Tásek ma'a ekha nak negya'áseykegkoho aqsok, hempasmok chá'a negko'o negheykha nak keso náxop, negyepetchesa enxoho m'a aqsok ekxámokma nak nenxaweykekxa.

Eclesiastés 7:19

Kagkéshok chá'a apyennaqte negya'áseykegkoho nak aqsok ma'a énxet ekha nak apya'áseyak aqsok, kaxnók ma'a diez apkeltaqmelchesso nak chá'a xama tegma apwányam asextók chá'a katnehek apkelyennaqte.

Jeremías 1:6

Axta ektáhak ko'o seyátegmowágkokxo s'e: “¡Wesse' ahagkok, étkok ahagko' ko'o, mowanchek han sekpeywa!”

Jeremías 45:5

¿Apmenyéya exchep hélmaxnak yaqwayam megkaxók ektáhakxa apha m'a pók énxet'ák nak? Ná hélmaxna aqsa, hakte wáphaksek sa' ko'o aqsok ekmaso nepyeseksa apyókxoho énxet'ák. Wának sa' eyke ko'o exchep megyetsepe', cham'a apmahágkaxa enxoho chá'a. Ko'o sekxeyenma xa, sektáha nak Wesse'.’”

Daniel 2:21

Cham'a apyaqmagkasso chá'a ektémakxa ekhem ma'a tén han ektémakxa nak chá'a aqsok ekteyapma; cham'a apnegkenma chá'a kelwesse'e apkelwányam, tén han apkelántekkesso chá'a, cham'a apkelmeyáseyak chá'a apkelmopwancha'a m'a ekha nak chá'a apkelmopwancha'a, tén han apkelya'áseyak chá'a aqsok ma'a apkelya'áseyak nak chá'a aqsok.