1 Reyes 3:13 - Biblia Enxet

¹³ Agkések sa' han ekxámokma aqsok apagkok, tén han apcheymákpoho, aqsok mehélmaxneyeykencha'a nak chá'a exchep, méko sa' han wesse' apwányam exhok xép neyseksa apha makham.

1 Reyes 3:13 ပူးပေါင်းရင်းမြစ်များ

1 Reyes 10:14

Veintidós mil kilos axta chá'a kammok yókxoho apyeyam apkelxawe Salomón ma'a sawo élyátekto élmomnáwa,

1 Crónicas 29:25

Wesse' egegkok axta apteméssesso ekyawe agko' kéláyo Salomón nápaqta'awók ma'a apyókxoho énxet'ák Israel, keñe han apméssama ekyawe agko' apcheymákpoho neyseksa apteme wesse' apwányam, axta étémakpok xama enxoho wesse' apwányam kañe' Israel ekteme xa ektéma nak, cham'a nano' metyapmakxa axta makham ma'a.

2 Crónicas 9:22

Xámok agko' axta aqsok apagkok ma'a wesse' apwányam Salomón, awanhek axta han ektémakxa apya'áseykegkoho aqsok, apyeykhásseykmók axta m'a apyókxoho apkelwesse'e apkelwányam nak keso náxop.

Nehemías 13:26

“¡Cháxa ektéma axta han apkeláneya mey'assáxma Salomón xa ektéma nak, wesse' apwányam axta m'a Israel! Méko axta eykhe xama wesse' apwányam nepyeseksa m'a pók aptémakxa énxet'ák aphawo nak xa, tén han apchásekhayo m'a Dios; tén han apteméssessama wesse' apwányam ma'a ekyókxoho nak Israel, kelánessegkek axta eyke mey'assáxma m'a kelán'a megkatnaha nak appeywomo xamo'.

Proverbios 3:16

Negya'ásegwayam ekpayho nak élya'assamakxa segmésso ekwenaqte negha, keñe m'a ekpayho nak násagqalwa segmésso ekxámokma aqsok egagkok, tén han ekha sẽláyo.

Proverbios 4:9

¡kagkések sa' kélnatanma ektaqmela, katchessesek sa' apqátek apketchesso apqátek élyenma!”

Eclesiastés 6:2

yetneyk chá'a Dios apkelmésso ekxámokma aqsok apagkok énxet, tén han apcheymákpoho, meyke nak chá'a xama aqsok eyeymomáxche apmopmenyého; megyohok eyke chá'a kapeykessásekxak apwáxok ma'a ekyókxoho nak. Pók énxet aqsa chá'a yának kapeykessásekxak apwáxok. ¡Cháxa ektáha han aqsok eyaqhémo agwetak xa, kaqhek chá'a egwáxok!