1 Reyes 3:11 - Biblia Enxet

¹¹ keñe aptáha apcháneya s'e: “Élmaxnakkek xépxa aqsok nak, keñe mehélmaxneya m'a yaqwayam kawegqohok apha, tén han yaqwayam kaxámagkok aqsok apagkok, tén han yaqwayam yának etekyók ma'a apkelenmexma, wánxa aqsa sélmaxneya m'a apya'áseykegkoho nak, yaqwayam enxoho yepwának chá'a yeyxho', tén han eltaqmelchesek chá'a énxet'ák,

1 Reyes 3:11 ပူးပေါင်းရင်းမြစ်များ

1 Reyes 3:10

Leyawók axta apwáxok Wesse' egegkok ektáhakxa aqsok apkelmaxneyeykha m'a Salomón,

1 Reyes 3:28

Apyókxoho énxet'ák Israel axta apkellegeyk ektémakxa apyekpelchémo wesse' apwányam, apkeltémókxa kólteméssesek, keñe axta aptéma apcháyo, hakte apkelweteyak axta ektémakxa Dios apméssama apya'áseykegkoho aqsok yaqwayam elánekxések amya'a énxet'ák.

1 Reyes 3:9

Hegkés ko'o ekya'áseykegkoho ewáxok yaqwayam alanha m'a énxet'ák apagkok, yaqwayam enxoho eykpelkohok ma'a ektaqmela tén han ma'a ekmaso nak; ¡hakte méko awanchek kaltaqmelchesek se'e énxet'ák apagkok apxámokma nak!”

2 Crónicas 1:11

Apchátegmowágkek axta Dios ma'a Salomón: “Agkések sa' xép apya'áseyak tén han apyekpelchémo, hakte mehelmaxneyk xép yaqwayam etnehek ekxámokma aqsok apagkok, keñe han ekha kéláyo, mehelmaxneyk han yaqwayam elnápok ma'a apkelenmexma, tén han ma'a ekwenaqte apha, wánxa aqsa sélmaxneya apya'áseykegkoho tén han apyekpelchémo, yaqwayam elanha m'a énxet'ák ahagkok, sekteméssesa nak xép wesse' apwányam apagkok. Almések sa' eyke han ma'a ekxámokma aqsok apagkok tén han ekha kéláyo, melweteya axta m'a kelwesse'e apkelwányam apmonye'e axta, metnamakxa axta exchep wesse' apwányam, melwetyehek sa' eyke han chá'a m'a aptamheykekxa nak chá'a wesse' apwányam neptámen xép.”

Salmos 4:6

Apxámok énxet apteme chá'a apkelpeywa s'e: “¿Yaqsa negko'o hegwetaksek ma'a ektaqmalma nak negheykha?” Wesse', ¡henlano negko'o yetlo ektaqmeleykha apwáxok!

Proverbios 16:31

Apxawe ekwenaqte apha énxet ma'a ekmópeyo nak chá'a apqátek, eñama meyke aptémakxa'.

Jeremías 45:5

¿Apmenyéya exchep hélmaxnak yaqwayam megkaxók ektáhakxa apha m'a pók énxet'ák nak? Ná hélmaxna aqsa, hakte wáphaksek sa' ko'o aqsok ekmaso nepyeseksa apyókxoho énxet'ák. Wának sa' eyke ko'o exchep megyetsepe', cham'a apmahágkaxa enxoho chá'a. Ko'o sekxeyenma xa, sektáha nak Wesse'.’”